تحدث الفنان أحمد العوضي عن دوره في مسلسل "اللي مالوش كبير"، حيث يجسد شخصية سيف الخديوي، قائلاً: "شخصية مختلفة تماماً عن دوري في مسلسل الاختيار في شخصية الإرهابي هشام عشماوي". وأضاف "العوضي"، في مداخلة هاتفية عبر برنامج "كلمة أخيرة"، الذي تقدمه الإعلامية لميس الحديدي على شاشة "ON": "الاختلاف هنا ممكن أقول على الدور إنه قبضاي باللغة الشعبية.. راجل حملة عنده عزوته وناسه وتركيبة مختلفة عن دور هشام عشماوي في مسلسل الاختيار". وتابع: "الدور مافيهوش تكشير كتير وهي شخصية تحمل لزمات خاصة بها وإفيهاته عشان تعلق مع الناس، سواء بحركة الإيد أو الإفيهات". وحول قلقه من ردود الأفعال على العمل قال: "قلقان طبعا.. لأني خارج من الاختيار وياسمين عبد العزيز طالعة من ونحب تاني ليه؟.. وده في حد ذاته ضغط نفسي علينا لأننا هنتجتمع في عمل واحد وده تحدي مقارنة بأن لو كل واحد عمل شغل لوحده، وفي نفس الوقت عاوزين نعمل حاجة الناس متتوقعهاش". واستطرد: "عاوزين نقدم حاجة كبيرة وجديدة عشان تليق بأننا نتجمع أنا وياسمين في عمل واحد، وبوعد المشاهدين إننا نبقى في الصفوف الأولى في السباق الرمضاني". وحول دور ياسمين عبد العزيز، قال: "عاملة دور تقيل وبشكل احترافي مش بقول كده عشان هي مراتي لكن كنجمة أنا بمثل قدامها، عشان كده هي عاملة حاجة متميزة مختلف عن دورها في مسلسل ونحب تاني ليه". وأكد "العوضي"، أنه لم يلاقي صعوبة في عمله مع زوجته ياسمين عبد العزيز قائلاً: "ماعنديش الحتة دي أني أقلق من العمل قدام زوجتي بالعكس كان مريح لي وليها.. بالعكس أنا ببقى مهتم أنها تطلع أحسن مني وهي كمان بتتمنى كده". وحول مشاركة خالد الصاوي قال: "فنان كبير ودمه خفيف أحلى كواليس في الدنيا بتطلع مع وجود الفنان القدير خالد الصاوي، وأنا بتعلم منه".
