أسفين يا نبينا

البعض بيقول ويثرثر كتير آسفين ياريس.. واحنا من هنا نقول: آسفين يا نبينا تأخرنا كتير كتير حتى نقول عاوزين كلمة الإسلام هى الحكم.. هى التى تجلى القلوب وتصحح المسار بطهر وعفاف..
آسفين لأننا كنا ومن وقت قريب لا نعتبر بكلامك .. بنصائحك .. ياما قلت لنا من زمان .. بدل المرة مرات الصلاة الصلاة.. وما ملكت أيمانكم.. ويهرب كتير مننا لما يسمع الأذان .. لأن الصلاة ثقيلة على قلبه!! .. ووصيت على الجار وأهل الأرحام وحذرت بوحى من ربك من الربا ومفاسده .. لكن ما فيش فايده .. لازلنا فى حضن بنوك الربا نائمين .. وعن حق الجار مش سائلين وقلت المؤمن أخو المؤمن وإحنا مازلنا فى العداوة والمنافسة مطولين.. قلت كمان من عادى لى ذميا فلن يذق رائحة الجنة.. ويطلع غبى من هنا وأحمق من هناك لأجل ما مصر تبقى فرن لا تهدأ ناره ولا يعرف رماد!!
آسفين يا نبينا.. لأن هناك ناس مننا حاسبين نفسهم فوق البشر، وأنهم خابرين قلوب العباد وأخافوا الناس من كل إسلامى ومن كل مناد بتطبيق شرع ربنا أخافوا الناس حتى من كل من ربى لحيته عشان إيه وليه؟؟؟ لأجل أن تبقى شهوة بنات ونساء يظللن عرايا ويتركوا أمر الله بالحجاب.. لأجل راقصات يرفعن كل يوم دعوات الزنا.. وتملى بطونهم فلوس حرام مالهاش حساب..!
لأجل الرشاوى تنتشر.. لأجل السرقة بالفهلوة والبلطجة والضحك على الذقون يملى البطون.. رغم إنهم بفطرتهم موقنين أن الجزاء فى شرع ربنا قطع اليد اللى نهبت وكلت حرام.
والآن حبينا نرجع لك يا معلم البشر، لتعاليمك.. نسمع كلامك ونطيع ربنا الفرصة بين أيدينا لن تضيع وهانختار كلنا بس اللى نظنه يخاف ربنا، صلى عليك الله صلى عليك الله يارحمة الله للبشر.