عشقت العرائس منذ طفولتها، فكانت أعظم هدية بالنسبة لها هى عروسة باربى أو إحدى العرائس المستوحاة من حواديت عالم ديزنى، ومن حبها لهم، كانت تحرص على أن تراهم فى أجمل صورة، حتى إنها كانت تصمم لهم فساتينهم بيدها، وكبرت وكبر الحلم معها، وتعلمت فن الخياطة والتفصيل وبدأت تجمع أكبر عدد من العرائس وتصمم لهم فساتين مستوحاة من موضة الخمسينات والستينات. أية صلاح أية مع عرائسها تحدثت آية صلاح، خريجة كلية الأداب، قسم فلسفة ل" اليوم السابع"، عن هوايتها، قائلة :"أنا هوايتى تصميم فساتين العرائس، من وأنا طفلة كنت بغير فساتين العرائس الأصلية وأصمم فساتين تانية ليهم، والموضوع اتطور معايا وأتعلمت الخياطة من جدتى، ولما كبرت بدأت أنمى موهبة بالحصول على كورسات خياطة، وأصمم ملابس اللى بحبها، وكمان هوايتى إنى أجمع العرايس الأنتيك والديزنى، وأغير لهم ملابسهم وكنت بلاقى سعادتى فى الموضوع ده، وبدأت كمان أصمم ملابس للبنات". أية تابعت :"بختار الفستان المناسب حسب شكل العروسة، وأتخيل التصميم المناسب ليها، وأرسمه على ورقة وابدأ أنفذه، لكن أكتر التصميمات اللى بحب أنفذها للعرائس وليا، الفساتين المستوحاة من موضة الخمسينات والستينات، لأنى بشوفها بتليق على العرائس وعلى البنات كمان". تصميم أية صلاح تصميمات أية تواجه أية بعض الصعوبات فى تصميمها لفساتين العرائس، حيث قالت :"الصعوبات اللى بتقابلنى إن مفيش حد بيقدر شغل الهاند ميد، وفساتين العرائس وكتير بيشوفها لعب عيال وتضييع فلوس، وفى الأول كنت بتهاجم من بعضهم، لكن مع الوقت بقيت بلاقى دعم كبير من اللى حواليا، خاصة البنات اللى بتحب العرائس، و ده بيفرحنى جداً وبيخلينى استمر". وعن نوع أقمشة فساتين العرائس وتصميمتها، قالت أية :"بحرص إنى اشترى قماش مش موجود فى السوق وبصمم ستايل فستان مختلف عن اللى موجود بين العرايس فى المحلات، وبعتمد فى تصميماتى للفساتين على قماش الدانتيل والجبير، والخرز، وأكتر شغلى داتنيل وجبير لأن أغلب تصميماتى مستوحاة من فساتين موضتها قديمة". تابعت :"صممت 200 فستان للعرائس والبنات وأطفال، وكمان بفصل ليا ولبنتى". فساتين أية تحلم أية بأن تملك جاليرى وأتيليه كبير فى مصر، يحتوى على جميع تصميماتها، حيث قالت :"نفسى يكون عندى جاليرى وأتيليه فى نفس الوقت، أقدر أعرض فيه فساتين من الخمسينات والستينات وأعرض العرائس الباربرى والأنتيك والديزنى، وفساتينها تكون من تصميمى، وجزء مخصص للأطفال لفساتينهم وشنطهم وإكسسواراتهم ". فستان أخر فستان تصميم أية صلاح فستان تصميم أية
