فستان الزفاف والطرحة... عنوان الهنا والفرحة

فستان الزفاف والطرحة عنوان الهنا والفرحةوقلوب البنات عاشقاه..
طبعا كلنا عارفين الأغنية دي...
وأكيد أي بنت من وهي صغيرة بتحلم بالفستان الأبيض والحلم يفضل يكبر ويكبر لغاية ما ييجي اليوم اللي يصبح حقيقة...
وعلشان الفترة اللي جاية كلها أفراح × أفراح قررنا أننا نكون جنبك ونقدم لك عدد خاص جدا عبارة عن كتالوج فساتين زفاف 2009 هدية من "بص وطل" لكل العرايس...
كتالوج الفساتين
أكيد أي عروسة بتحب إنها تعرف إيه الجديد في موضة فساتين الزفاف؟! علشان ترسم بينها وبين نفسها صورة فستان فرحها اللي تحبه، وكمان علشان لما تنزل محلات بيع أو تأجير الفساتين تكون عارفة إيه الموديل القديم وإيه الجديد وما حدش يضحك عليها...
وطبعا ده كله مش هيحصل إلا لما تشوف موديلات وتصميمات مختلفة... علشان كده إحنا دورنا ولفينا شمال ويمين وجبنا لك المجموعة المتميزة دي من التصميمات والأشكال المختلفة.


المجموعة الأولى
فستان قطعة واحدة استخدم فيه خامتان، خامة الستان ودي واخدة جزء كبير من تصميم الفستان، والتل اللي بيحتل جزء صغير جدا موجود في نهاية الفستان...

الشكل ده بيتميز بوجود تطريز بسيط جدا على منطقة الصدر وعند نهاية الجزء الستان، قبل بداية الذيل المصمم من التل، شكل زي ده مناسب للبنت الطويلة الرفيعة، أو الطويلة وجسمها متناسق، كمان الشكل ده بيتميز بوجود ذيل بسيط للفستان.
جاليرى فساتين الزفاف
* صحة وجمال
اضغط على الصورة لمشاهدة الجاليري:

المجموعة الثانية
بعد ما اتفرجنا على المجموعة الأولى من الفساتين، تعالي دلوقتي نتفرج على مجموعة أخرى مكونة من قطعتين الكورساج والجوب.
المجموعة الثانية
* صحة وجمال
اضغط على الصورة لمشاهدة الجاليري:
ودي مجموعة أخري من الموديلات ممكن إنك تبصي وتطلي عليها
المجموعة الثالثة من فساتين الزفاف
* صحة وجمال
اضغط على الصورة لمشاهدة الجاليري:
ونحب نقول لك إن الموديلات دي تصلح للبنت المحجبة والبنت غير المحجبة، يعني البنت الغير محجبة ممكن تلبسها زي ما هي كده لكن البنت المحجبة فتحتاج إنها تقفلهم والتقفيل دلوقتي بقي سهل جدا لأنه بيكون بإنك بتلبسي بادي تل استرتيش مطرز بنفس التطريز الموجود على الفستان وبتلبسي بندانة وطرحة مطرزة من نفس تطريز الفستان والبادي
.
. لفات طرح للعروسة
* صحة وجمال
اضغط على الصورة لمشاهدة الجاليري:
هدية العيد.. لفات طرح للعروسة
دي بقي هدية العيد اللي بنقدمها لكل العرايس اللي أفراحهم خلال العيد أو بعد العيد أو في أي وقت هديتنا عبارة عن مجموعة من لفات الطرح يلا بسرعة شوفيها واللي يعجبك منها اطلبي من الكوافير بتاعك إنه يعمل لك زيها..