هاني مهنا: النقابة تسرعت والبيان مزايدة عليا وهانى شاكر كان المفروض يرجعلى

قال الموسيقار هاني مهنا، إنه فوجئ بصعود حمو بيكا وعمر كمال وحسن شاكوش المسرح والغناء في حفل زفاف ابنته هنادي، وتابع قائلاً: "أقسم بالله أنا المفاجأة خلتنى مبلم ولا اتحركت من مكاني كمان، واللى دعتهم وغنوا قمت سلمت عليهم وتفاعلت معاهم ورقصت معاهم، أنما هما أنا اتخضيت ياترى مين اللى جابهم.
وتابع قائلا: "والله ما شوفتهم خالص إلا وهما على المسرح، وفكرت أنزلهم على المسرح، هيبقي مصيبة لو بعت حد من الأمن ينزل حمو بيكا وهو في إيده الميكروفون ولو قال كلمة مش لطيفة هتحصل خناقة في الفرح وتبقي مصيبة.
وأكد هانى مهنا، أن نقابة المهن الموسيقية تسرعت في إصدارها بيان تستنكر فيه حضور حمو بيكا لحفل الزفاف، وتابع قائلا:" كان المفروض يرجعولى الأول وكان الاستاذ هاني يكلمنى زى ما بيكلمنى فى أى يوم"، وتابع قائلا: أنا كنت عازم هاني شاكر بس كان عنده حفله فى الأوبرا، وازاى أكون عازم هاني شاكر وأنا عارف إن في خلاف بين حمو بيكا والنقابة وأعزمة، مش معقول طبعا.
وأضاف الموسيقار هاني مهنا قائلا: المفروض كان يكلمني يعرف حيثيات الموضوع، بدل ما يصدر بيان يستنكر، مش كده، وبعدين مع احترامي أنا تاريخي النقابي من الدرجة الأولى"، وتابع قائلا: في بيان النقابة مزايدة عليا لأن لو حد هيدافع على النقابة يبقى نقول أن هاني مهنا يدافع الأول وبعدين الآخرين، لأنهم هما شافوا النقابة في دلوقتى في السنوات دي إنما أنا شوفت النقابة من أول إعادة تأسيسها في 78 وبدافع عنها من ساعتها، ففي مزايدة حصلت وتسرع.

هانى مهنا
هنادي مهنا
حمو بيكا
عمر كمال
حسن شاكوش
حفل زفاف هنادي مهنا
تليفزيون اليوم السابع
الموضوعات المتعلقة
هانى مهنا: خوفت أنزل حمو بيكا من على المسرح يقول كلمة مش لطيفة والفرح يبوظ
الإثنين، 09 نوفمبر 2020 09:20 م
هانى مهنا: لو بنتى خدت رأيى كنت هرفض حضور بيكا زفافها وصعوده على المسرح إهانة
الإثنين، 09 نوفمبر 2020 08:57 م
عمر كمال ردًا على هاني مهنا: لو عايز تحسن شكلك كان ممكن ترجع لبنتك
الإثنين، 09 نوفمبر 2020 02:00 ص
الفنان عمر كمال ل هاني مهنا: تصريحاتك عنصرية وطبقية.. واحنا مش متطفلين وهنادي بنتك دعتنا للفرح.. وعندي تسجيل صوتى لهنادى وأخلاقى تمنعنى أنشره.. ولو عايز تحسن صورتك كنت اتصلت بيها وإحنا نشرف أي حد
الأحد، 08 نوفمبر 2020 09:03 م