ابن هشام سليم: "أنا متحول جنسيًا ومش عندي خلل في الهرمونات".. صور

ظهر نور هشام سليم، في مقطع فيديو جديد بثه عبر الاستوري الشخصي له بموقع انستجرام، ليدافع عن المثليين ومعاناتهم في التعامل مع الأخرين، مدافعاً عن سارة حجازي التي انتحرت منذ أيام.
وقال أبن هشام سليم المتحول جنسيًا: "اللى راضي بيا ومش راضي بملك الكاشف يبقي منافق، اللى راضي بيا ومش راضي بسارة حجازي يبقي منافق، واللى هيجي يقول لا أصل دا الدين ودا الإسلام، لا دا دينك انت وحياتك انت، وبراحتك تفكر بطريقتك بس متفرضش دينك عليا أو على سارة أو على ملك".
هشام سليم وابنه نور
وأضاف نور هشام سليم في حديثه: "فين الإنسانية يا جماعة، اللى هيجي يقول لا أصل انت عادى بس المثليين والمثليات حرام، هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فا انا قدام ربنا اللى عملته دا غلط، بس انتو كلكم ماشيين حبيبي يا نور وأنت زي القمر وعيش مبسوط، بس سارة حجازي ماتت بس أحسن وإن شاء الله الدود يأكلك".
واستطرد ابن الفنان هشام سليم حديثه في الدفاع عن المثليين، قائلاً: "هتقولوا عليا كدا لما اموت؟ عادي مش فارقلي، بس لو انت بتشرب وبتزني وبتحشش، أنا زي زي سارة حجازي، واللى مش راضي بيها مش راضي بيا، واللى مش راضي بيها مش عاوزة عندي".


وواصل نور هشام سليم حديثه متسائلاً: "احنا بني أدمين يا جماعة، الجريمة بتاعتها ايه؟ انها بتحب البنات؟ انتو مش ملائكة علشان ترحموا الناس، فهموني أو فهموا نفسكم، أنا مش عارف انتو ليه بتدعموني ومش بتدعموا الناس التانية، أنا مش فاهم ليه الدعم دا كله ليا".
وتابع نور هشام سليم حديثه، قائلاً: "انتو لو فاكرين لو دا اختيار انى اطلع مثلي أو مثلية يبقوا انتو مش فاهمين حاجة خالص، ليه اختار إن أنا اتغذب، ليه اختار حاجة زي كدا، فكروا فيها".
نور هشام سليم
ابن هشام سليم
اخبار الفن
اخبار الفن اليوم
المثلية الجنسية
الموضوعات المتعلقة
مع ابنه نور .. هشام سليم يستمتع بوقته فى عرض البحر .. صورة
الجمعة، 19 يونيو 2020 01:30 م
"الحبايب".. نور ابن هشام سليم يحتفي بوالده وشقيقاته فى صورة عائلية
الإثنين، 15 يونيو 2020 10:23 ص
تعرف على أمنيات هشام سليم وزهى حواس وفاطمة عيد فى ليلة القدر مع "أهل مصر"
الثلاثاء، 19 مايو 2020 08:42 م
يسرا عبر سكايب لأحد البرامج : هشام سليم أب رائع لأنه وقف بجانب ابنه
السبت، 09 مايو 2020 01:38 م
إليسا تشيد بموقف هشام سليم ودعمه لابنه فى قصة تحوله الجنسي
الأربعاء، 06 مايو 2020 12:31 م