عمرو أديب عن هجوم السوشيال ميديا على إعلان مدينتى: الناس بره بتدعم رجال الأعمال وأحنا بنحاربهم

علق الإعلامي عمرو أديب، على حملات الهجوم الممنهجة التي تعرض لها رجل الأعمال المصري، هشام طلعت مصطفى، ومشروع مدينتي على صفحات مواقع التواصل الاجتماعي، وقال: "الموضوع ده غريب جدا، في الأيام الصعبة دي اقتصاديا، تحافظ الدول على رجال الأعمال، 75% من الناس في مصر شغالة في قطاع خاص، والقطاع الحكومي عددهم قليل، حتى اللي بيشتغلوا في القطاع الحكومي بيشتغلوا في قطاع خاص بعد الظهر علشان يحافظوا على لقمة عيشهم".
وأضاف عمرو أديب خلال برنامج "الحكاية" الذي يذاع على قناة MBC مصر: "الدول كلها خلال الشهور الثلاثة اللي فاتت بتطبطب على رجال الأعمال، وبتحاول أنها تسندهم وتساعدهم، علشان العمالة متقعدش في البيت، لأن رجل الأعمال ده لو شعر بخطر وعدم تقدير، هينسحب لأن مش مجبر يقعد في وسط التوتر ده ومحدش هيقوله عيب، والأسبوع اللي فات يبدو أن في ناس فاضية عملت حملة عمياء على هشام طلعت مصطفى".
وقال عمرو أديب: "مصر عدد رجال الأعمال اللي معروفين فيها، والراجل ده الناس اللي بتشتغل معاه عشرات الآلاف، والأسهم بتاعته وبتاعت مشروعاته في البورصة بمليارات، ومساهماته في الأعمال الاجتماعية بمئات الملايين، ليه بيتعمل كده معاه، غير أن في ناس عاوزه تهد الناس دي واحد ورا التاني عشان يمشوا، أنتو مش شايفين الحالة اللي احنا فيها؟، أنتو مش عارفين احنا داخلين على إيه، أمريكا ثلث القوى العاملة بتاعتها قاعدة في البيت، والباقي بياخد 50% من مرتبه".
وأضاف عمرو أديب: "الراجل عامل إعلان عن فنادقه ومدنه ومنشآته، المفروض نساند الناس دي وندعمها مش نهدها بشاكوش، إيه اللي بيعود علينا من التريقة والهجوم، مين اللي كسبان من الكلام ده، خليكو جد شوية، في حد يتنمر على كيانات وشركات، اللي بيحصل خطر".
هشام طلعت مصطفى
مدينتى
اعلان مدينتى
الرحاب
عمرو اديب
اعلان مدينتي
الموضوعات المتعلقة
التليفزيون هذا المساء.. "المتحدة" تتبنى لاعب بنى سويف وتضمه لفريق "أون سبورتس".. صندوق مصر السيادى: الجميع أدرك ثقل مصر بعد إدارتها أزمة كورونا..مدير قصر العينى الفرنساوى الأسبق: لدينا 8 أطباء لكل 10 آلاف مواطن
السبت، 09 مايو 2020 02:36 ص
فيديو.. لاعب بنى سويف عن عمله ب"القطايف": "الشغل مش عيب"
السبت، 09 مايو 2020 02:36 ص
الجيش الأبيض.. "محمد" ممرض بالاحرار التعليمى بالزقازيق فى مواجهة كورونا
السبت، 09 مايو 2020 02:30 ص
بالصوت.. وزير التعليم يوضح التفاصيل النهائية بشأن تسليم مشاريع الأبحاث
السبت، 09 مايو 2020 02:20 ص