سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
عمرو أديب يكشف حقيقة محمد على: حرامى ومن أتفه ما يمكن ..يولع هو ووائل غنيم دول قاعدين بره..أنا يهمنى 16 مليون داخلين المدارس بكرة.. مهم جدا الناس تعرف قواتها المسلحة بتعمل إيه.. وأطلب من الرئيس يتكلم مع الناس
قال الإعلامى عمرو أديب، إنه فيما يتعلق بموضوع المقاول محمد على، ليس من أنصار المؤامرة أو أنه من الإخوان، مضيفاً:"محمد على نشر فيديوهات ثم تأتى 20 جهة تخلي مشاهدات الفيديوهات دي بالملايين". وأضاف خلال تقديمه برنامج "الحكاية"، :"أنا مش هاممنى محمد على لأنه من أتفه ما يمكن بالنسبالى وبدأ يبقى ممل ومكرر ومبيضحكش، وقدامه أسبوعين تلاتة لأنه بيتكلم فى نفس الموضوع"، مردفاً:"المعلمين اللى شغالين بياخدوا منه كل يوم وينسج وحط، الجزيرة والجزيرة مباشر والشرق ومكملين والتايمز ومواقع الإخوان ورصد وكل بتوع 25 يناير واللى معاهم".
وتابع أديب: "اليوم كله انت متاخد ومفيش حاجة غير الموضوع ده، والموضوع ولا واحد فيهم بيشتغل عليه صحافة أو معلومات، بيكرروا الكلام اللى الراجل قايله عن الريس والجيش".
وأردف أديب: "فيه وشين جداد ظهروا الأسبوع اللى فات بالصدفة مع بعض، وائل غنيم ومحمد على، دا يغنى ودا يرد عليه، وفيه شتايم قبيحة وصعب حد يرد عليها، عشان محدش يقربلهم".
عمرو أديب: "يولع محمد على ووائل غنيم دول قاعدين بره..يهمنى اللى هنا" وعلق الإعلامى عمرو أديب، على فيديوهات المقاول محمد على، قائلاً:"لما نزل الفيديو الناس قالت ايه ده الجيش المصرى عامل كده؟، دا النغمة دى موجودة من زمان".
وأضاف: "اللى ضايقنى فى الفترة الأخيرة الناس اللى بصت وسكتت، يولع محمد على على وائل غنيم على الجزيرة على كل الحكاية دى، الناس دى قاعدة بره، محمد على فى برشلونة ووائل غنيم فى أمريكا"، مردفاً:"يهمنى الناس اللى قاعدة هنا فى البلد ال 16 مليون تلميذ اللى داخلين المدارس والناس اللى بتتعالج والناس اللى بتتعلم، دول قاعدين برة ملوش دعوة بينا".
واستطرد أديب، : "عاوز افكركم بحاجة، فى عهد مبارك، كانوا بيقولوا جهاز الخدمة الوطنية بيعملوا فراخ، يعنى قبل 2011، فيه ضرس شديد فى مصر اسمه الجيش، يجب لخلخته لأنه القوى، وفى 2012 البرادعى كان بيهاجم الجيش، وهيظهر بكرة أو بعده".
وتابع: "محمد على اللى بيتكلم عن الجيش والفساد، هقول رأيى، فكرة لطيفة جداً، أنا يكون عندى مشاكل فى بلدى، وعندى فلوس مستلفها من بنوك، والتزامات تجاه أفراد، وتجاه عائلة ومش قادر أعملها، أعمل ايه؟، وعندى فكرة أبيع حاجتى وأروح طالع برة، وأقعد وأقول أنى بكشف الفساد، وأنت معتقد أنك محمى ومحدش هيقربلك، وتقول أهو يا باشا أنا بتكلم فى الفساد وفيه حد قربلى، والفلوس بح".
وأردف أديب: "البلد دى شديدة وعصية وعنيدة، وأى مؤسسة فى الدنيا وارد يكون فيها نسبة انحراف، المهم يببقى فيه ضبط وربط ورقابة وتصليح مستمر".
عمرو أديب: "مهم جداً الناس تعرف قواتها المسلحة بتعمل إيه".. ومحمد على حرامى قال الإعلامى عمرو أديب، تعليقاً على فيديوهات المقاول محمد على، :"الحيرة فى الأيام اللى فاتت إن التافه ابن التافه دا نرد عليه ولا لا"، مردفاً:"رب تافه نافع، مهم جداً الناس تعرف قواتها المسلحة بتعمل إيه، وإيه الحكاية وبتشتغل إزاى، إحنا مش بنرد على محمد على ولا وائل غنيم، يولعوا هم الاتنين".
وأضاف: "بعد محطات الكهرباء والمياه والإسكان الاجتماعى وبعد فصول التعليم وفيروس سى وحاملات الطائرات والغواصات والرافال والمترو والسكة الحديد والمونوريل، كل دا البلد بقى فيها فلوس تتسرق؟، انتو الفلوس مش شايفينها وهى بتتصرف".
وأوضح أديب: "اللى ميشوفش من الغربال يبقى أعمى، إنتوا مش شوفتوا الرافال والغواصات وغيرها، دا احنا أغنياء أوى"، مردفاً:"هى فكرة لطيفة لما واحد يتزنق يروح طالع وواخد طيارة على برشلونة، هو أسبوع و10 أيام والفيديوهات هتخلص، وهيجى يوم يا محمد تروح منك وتطلع زى وائل غنيم ترقص قدام الناس".
وتابع أديب:" البلد واحنا فيها بنقول مش عاجبانا، والمصحف شهر أو اتنين بره بيعضوا فى البلاط ويشتاقوا لترابها، ويقولك ادفنى فى بلدى، تبقى متطمن على أهلك، أمك بعتها وفلوس أخوك نهبتها، هتفضل يابنى بقية حياتك ماشى تبص وراك، وتفضل كل ما مصرى يشوفك يتف فى وشك".
واستطرد:" البلد دى مش سهلة ولا صغيرة، وما بتتهزش، ويوم ما الناس ترد، لا ضعف ولا بترد على محمد على، فيه حد أهم من محمد على ووائل غنيم هو الشعب المصرى"، متسائلاً:" هو فيه حد مصدق الكلام ده؟ للأسف فيه، الناس اللى ربنا رزقنا بيها بسبب السوشيال ميديا و2011 والإخوان".
وأردف أديب: "الأعمال الكاملة لمحمد على على الجزيرة.. مش عيب تنجّموا واحد حرامى، ولا هو نهد البلد على اللى فيها وخلاص، هو حرامى باعترافه، حرامى يتعمله قناة".
أديب: "أطلب من الرئيس يتكلم مع الناس ليس رداً على المقاول لكن عشان يطمنهم" قال الإعلامى عمرو أديب، تعليقاً على فيديوهات المقاول محمد على، :"الأعمال الكاملة لمحمد على على الجزيرة، مش عيب تنجّموا واح دحرامى، هل قطر بتحب الشعب المصرى؟، مش دى قطر اللى أول ما قامت الثورة طلبت الوديعة.. ومصر دفعتها على الجزمة".
وأضاف: "أنا لا يهمنى محمد على ولا وائل غنيم، عاوز أعرف البلد دى ماشية ازاى، أرقام التضخم أقل الشهر ده، وأعلى معدل نمو، وأعلى عدد سياح من 2011، وعاوز تقولى وسط دا كله الفلوس بتطلع، البلاد اللى بتبقى فاسدة الفساد اللى بتقولوا عليه ما بيلاقوش ياكلوا".
وتابع:"دا طلب، إن الريس بكرة يتكلم مع الناس، ويقولهم الوضع كذا، ليس ردا على محمد على، ومش عيب، الشعب من حقه يطمن، لأنه بكرة فيه جلسة عن الشائعات فى السوشيال ميديا، والشائعات الناس بتحاربها بالمعلومات، وأملى إن هذه الأمور يترد عليها".
وأردف:"هذا الرجل – محمد على - أصبح مملا واللى بيقوله بيعيده، ومستنى الحاجة الكبيرة، وبعيداً عن الشتيمة، وبعيداً عن الهرى ده، طيب ومصر، والناس اللى عندها مستقبل، ومشاكلنا فى المية مع إثيوبيا، وغيرها، وانت كمواطن مش شايف، عاوزينها تتطربق يعنى، البلد دى مش ضعيفة، دى قوية وماشية فى طريق جيد، نحن لا نرد على محمد على ولا وائل غنيم".
