تدوينة تكشف التاريخ الأسود لشركة MO4 مالكة موقع "فصلة".. تحذيرات من التعامل معها لاتهامها بالنصب على العاملين.. 1500 دعوى قضائية ضد صاحبها بسبب النصب فى لندن.. وإحدى العاملات بالقناة تكشفهم: مارسوا الخداع ضدى

أصبحت شركة MO4 حديث الساعة، باعتبارها الشركة التى تمتلك موقع "فصلة"، الذى أهان الباسبور المصرى، تلك الواقعة التى أثارت جدلا واسعا سواء داخل البرلمان المصرى، أو المجلس الإعلام للإعلام، لتتزايد المطالب الخاصة بغلق هذا الموقع ومجاسبة تلك الشركة.

بالبحث عن تاريخ هذه الشركة، اكشفنا تغريدة يعود زمنها ل3 أعوام، إحدى العاملين فى تلك الشركة تكشف عن حالات نصب تورطت فيها تلك الشركة لبعض العاملين لديها، وسط تحذيرات تحذر من التعامل مع تلك الشركة الإعلامية.


التحذير تضمن خلال الموقع التواصل الاجتماعى "تويتر"، التنبيه لأن شركة MO4 الشهيرة بشركة الإخوة "موافى" والمالكة لمواقع cairoscene و cairozoom نصبوا على أناس كثر عارضا شكوى لإحدى العاملات بتلك الشركة.

منى عبد الرحمن، كانت هى إحدى العاملات بهذه الشركة التى كشفت واقعة النصب التى تورطت فيها الشركة ضدها، منذ 3 أعوام، حيث كشفت خلال تدوينة لها يرجع تاريخا لعام 2015، تفاصيل واقعة النصب عليها قائلة: من شهرين سبت شغلي في شركة سوشيال ميديا كبيرة بيديرها ناس من عيلة واحدة وبفضل ماقولش اسمها لأنها مشهورة بما يكفي لفضحهم بعد 4 شهور و7 أيام، هذه ليست شكوى ما هو تحذير للي بيفكر يشتغل هناك، أو يشتغل في المجال ده عموما، فهذه الشركة واحدة من أسوأ الشركات اللي ممكن تشتغل فيها مش السبب الرئيسي هو التأخر المستمر في الرواتب، وقلة الذوق اللي بتقابلها لما بتطالبهم بمرتبك، الأسباب لا تعد ولا تحصى.


وأضافت فى تصريحاتها: معدل ال Turnover عالي وسريع جدا، يعني ناس كتير بتسيب شغلها هناك كل شهر، ومفيش تعاقد ولا تأمينات، وبالتالي مفيش حاجة تضمن بيها حقوقك أكيد- وده وضع شركات بير السلم زي الشركة دي، معندهمش حاجة اسمها مواعيد العمل الرسمية!، انت شغال هناك وكأنك دكتور طوارئ. ياريت، دانت بتبقى ثور في ساقية، كل الشغل مستعجل، من 9 الصبح لمنتصف الليل، وكنت لما بخلص شغلي في معادي الساعة 6 يتقالي من مديرة الشركة انتي بتمشي الساعة 6 كل يوم يبقى ازاي تكلميني عن كذا وكذا! وكأني برتكب جريمة لا، وفي رمضان، والناس شغالين وصايمين، صاحبة الشركة تعزم كل اللي شغالين على عيد ميلاد بعض الناس الساعة 4 العصر! ولما تكون الساعة 6 وفاضل على الفطار ساعة واحدة، تقول لا ماحدش هيمشي واقعدوا خلصوا الشغل.



وتابعت إحدى العاملات بهذه الشركة: لما تناقش المديرة في أي مشاكل تخص الشغل، أو تخص تأخر الراتب، تقعد تكرر كلام كتير مالوش أي لازمة عن حياتها الشخصية وتفاصيل ماتهمناش في حاجة، ولما انت تقول أي حاجة تقولك: irrelevant ..!ورغي رغي رغي في مشاكل حياتها الخاصة، عشان بقولهم إني بشتغل في الشركة من 4 شهور وماقبضتش غير مرتين بس، فين مرتبي؟، فمطلوب منك تشتغل طول الأسبوع وفي أجازة آخر الأسبوع، وفي الإجازات والعطل والأعياد!

وتابعت: أنا كنت بشتغل هناك Branding- المفروض- بس لأني برسم كويس فبقوا يطلبوا شغل Illustration ،وعملنا كذا مناقشة ومشاكل من أول شهر بخصوص هذا الموضوع ، ونقولهم يا جماعة الرسم حاجة والبراندنج حاجة تقوم المديرة تقول: ده أصلا له علاقة بالبراندنج!، واللي ماسك الفلوس هناك، واحد من اصحاب الشركة، آه في محاسب بس دوره كرتوني عاوز مرتبك بتبعت إيميل للشخص ده كل شهر" تفكره" !، وبدأت النهاية بالنسبة لي معاهم لما اديتلهفرصة أسبوع، وبعدين بعت إيميلات 5 مرات لمدة أسبوعين، ومن غير أي رد كلمت المديرة قالت الحل الأسطورة "ابعتي ايميل وحطيني في ال CC "، وبعت الإيميل ده والباشا رد في ساعتها يقولي: مش هينفع أرد على إيميل مبعوتلي عن الراتب وحد في ال CC !، وبعتلي إيميل يقولي إن المرتبين هيكونوا عندك الأربع الجاي، كل ده متسجل في الإيميلات بالتواريخ، وده كان بعد ما اتأخر مرتبي شهر كامل، وداخل على معاد القبض الجديد، جه يوم الأربع وكل شوية طالعين للمحاسب ونازلين ويقولنا لسه مفيش حاجة، لسه مش عارف، لسه بالليل، وقالنا بكرة، ويوم الخميس قررت مش هعمل أي شغل لحد ما آخد فلوسي. وده كان آخر يوم في ال 4 شهور، أي يوم شغل زيادة هيكون بداية شهر جديد، وقعدت طول اليوم منتظرة المحاسب يجيب الفلوس، وبعتوا يطلبوا شغل الأسبوع الجاي كمان، ولحد الساعة 11 بالليل المحاسب جالي بجزء من المرتب.



واستطردت فى شكوتها بشأن الشركة: الأحد اللي بعده مكملة في موقفي، وبقى كمان مطلوب إني أعمل Storyboard لشركة مشروبات غازية كبيرة، وأنا مبشتغلش في ده أصلا، ومش رايحة هناك أعمل ستوري بورد! وكنت مصممة آخد فلوسي كاملة وأمشي وطز فيهم، لكن يوم الأحد لما بعت إيميل باللي بيحصل وإني مش هشتغل يوم زيادة من غير ما آخد، فلوسي، حد تاني منهم هو اللي يرد بإيميل يتساءل ازاي تفهمي فلانة إنك ماخدتيش فلوسك وانتي أصلا خدتيها يوم الخميس، وهو انتي ناوية تمشي من غيرnotice، وكلام فارغ كتير مالوش علاقة بالمشكلة الأساسية، وآخر إيميل بيني وبينهم بسأل فيهامتى هاخد بقية فلوسي، فالأستاذ رد بسخافة وقلة ذوق متناهية ويقولي انتي كلفتينا مبلغ كذا وكنت هطلبه منك ومعاها تعليق: ده إيميل صاحبة الشركة ليا، كرد على إيميل طويل بعته بشرح فيه موقفي بوضوح، بحقائق وبأسلوب احترافي، لكن ردها كان غير احترافي بالمرة.. كله تهديد ووعيد بأسلوب حقير ولغة ماتليقش بشركة بتعمل شغل لعملاء كبار.

وحذرت صاحبة الشكوى، المواطنين من العمل بها قائلة: لو عاوز تشتغل هناك انت حر، بس خليك متأكد إن المكان ده لا هيحترمك ولا هيقدر احترافيتك، ولا مجهودك، وهيتهرب من حقوقك عنده بكل سفالة لمجرد إنهم كده!، لو الشركة دي ليها حق في أي حاجة كانوا اتصرفوا، ولو شايفين إني ماشتغلتش زي ما بيدعوا كانوا قالوا ده.. لكن إيميلاتهم أكبر دليل ضدهم، وكل اللي عمله إني بطالب بحقي وبقول حقايق حصلت بالفعل، وكان شاهد عليها كل زملائي اللي اشتغلت معاهم كل يوم من 10 صباحا لما بعد 10 مساء.

وقالت صاحبة الشكوى: قبل ما أنسى، كنت أتمنى أعرف الموضوع ده قبل ما أشتغل هناك.. بس لازم أوضحه من باب فعل الخير، صاحب الشركة وأبوه مرفوع عليهم أكتر من 1500 شكوى ودعوى قضائية بسبب النصب في لندن، في شركة عملوها وهربوا بالفلوس والأخبار دي منشورة في كل حتة وموجودة في الصور فازاي هتصور إن ناس نصابين فعلا هيرجعولي حقوقي!.