مدونة معلوماتي : الرجاء من وزير الاتصالات اتخاذ اللازم نحو ما يلى:

الحكاية باختصار ان عدد كبير من الشركات المحتضنة من مركز الابداع
التكنولوجى " تيك " و هيئة تنمية صناعة تكنولوجيا المعلومات "
ايتيد " التابعين ل وزارة الاتصالات قاموا بتزوير عقود الموظفين و اختلاس اجزاء
كبيرة من مرتبات الموظفين مع العلم ان هذه الهيئات تتكفل لهم بالدعم المادى بالكامل
لشراء الاجهزة و توفير و تجهيز مكان للشركات و دفع مرتبات الموظفين و البرامجاللازمة للعمل.
المشكلة ان تيك و ايتيدا قاموا بالتحقيقات مع مديرى الشركات و الموظفين و
اكدوا امام جميع الحاضرين ثبوت الاختلاس و التزوير بالتحقيقات فى اجتماع حضره
المسئولين و لجنة التحقيق و الموظفين و المديرين.
و لكن لم يكن منهم الا انهم فتحوا لهم الشركات مرة اخرى و كان تفسيرهم ان
ده عشان مصلحة الموظفين اللى شغالين فى الشركات علشان ميتقطعشى عيشهم.
المشكلة ان معظم الموظفين معظمهم مكملوش فى الشركات و منهم طبعا اللى مشوهم
المديرين بطرق مختلفة علشان يجيبوا ناس جديدة متعرفشى حاجة و يسرقوا تانى من اول وجديد.
لو حسبتم المبلغ اللى بيضيع على البلد اللى بيتسرق ملايين ليه و ليه نديهم
لناس ميستحقهوش نديه للي ستحقوه أو نوفره للبلد لو مفيش حد يستحقه و الله اعلم هل
يوجد اختلاسات اخرى فى فواتير شراء سوفت وير بمبلغ و يعملوا فواتير بمبالغ اكبر و
ياخدوا الفرق ليهم و نفس الحكاية فى الأجهزة و مبالغ للتدريب و غيرها.
الموضوع
كبير فهو يستحق كلمة فساد مش مجرد مخالفات مالية بحسبة بسيطة الشركة اللى كانو
فيها اصحابنا كانت بتختلس من فلوس الدولة 6000 جنيه فى الشهر يعنى فى المنحة
السنتين
= 144000 و خلى بالكم دى الشركة الواحدة و الموضوع ده ثبت حدوثه فى اكتر من شركة
فده لو بيتكرر فى 10 شركات بس من اللى بتاخد الدعم يعنى زودوا صفر يعنى 1440000
يعنى تقريبا مليون و نص ضايعين من فلوس الدولة مش حراااااااااام
ملحوظة: فى واقعة مماثلة تم اغلاق الشركة فى بلد اخرى و
الغاء الدعم من عليها.
المشكلة الكبيرة ازاى كل الشركات اللى فى اسيوط و
الشركات اللى فى بلاد تانية بتعمل نفس الشىء مين اللى وجههم علشان يعملوا كده انا
مش بشكك فى حد بس مش معقول لو الفكرة جت لواحد من المديرين هيروح يقول للشركات
التانية انا بسرق كده و انتم اسرقوا زى ما انا بسرق و خصوصا ان اللى حصل مش كلهم
فى محافظة واحدة ؟؟؟؟؟!!!!!!
طبعا حتى الان لم
يستلم الموظفين فروق المرتبات عن شهر يناير 2011 و لا مرتب فبراير و جزء من مرتب
شهر مارس 2011 م
لمزيد من التفاصيل قراءة الجزء التالي
1- مضوا الموظفين على العقد من ورقتين الورقة الاولى
فيها قيمة المرتب و الورقة التانية هيه اللى فيها توقيع الطرفين وراحوا عملوا ازاى
شالو الورقة الاولى اللى فيها قيمة المرتب وغيروها بورقة جديد فيها قيمة مرتب اعلى
و بعتوا العقد لهيئة تنمية صناعة
تكنولوجيا المعلومات او لمركز الابداع التكنولوجى و الريادة العلمية علشان ياخدوا
المبلغ الكبير من الدعم من الهيئة و يدوا الموظفين الفلوس اللى متفقين عليها و
ياخدوا الفرق ليهم هما
2- خلو الموظفين عملوا نسختين من العقد و لما قالولهم
الموظفين طاب هناخد النسخة التانية قالولهم لا دى نسخة لينا و نسخة لايتيدا او
مركز الابداع
3- خلوا الموظفين يمضوا على ايصالات استلام المرتبات كل
شهر عن شهر كذا و لكن بغير كتابة قيمة المرتب فى الايصال و طبعا الموظفين مضوا
بحسن نية لان هم كاتبين عقود بمبلغ معين و بيقبضوا نفس المبلغ فمفيش مشاكل المهم
انه مكتوب الشهر الى هما قبضوه ايه
4- مكانوش بيعملوا نسخة من ايصال استلام المرتبات و
يسلموها للموظفين و لما طلب منهم احد الموظفين نسخة من الايصال قبضوا كل الناس فى
الشهر ده من غير ما يمضوا الموظفين على ايصالات علشان محدش يفتح سيرة النسخة دى
5- الموظفين شافوا بطريقة ما العقود اللى زوروها
المديرين و سألوا فى مركز الابداع التكنولوجى على المرتبات فقالهم المرتبات
الوهمية اللى المفروض بيقبضوها
6- بعتوا الموظفين شكاوى رسمية للهيئة المسئولة و الهيئة
المسئولة جت بعد مدة طويلة خدت توقيع المديرين على الموظفين المبالغ الكبيرة اللى
بياخدوها من الهيئة و انهم بيدوا المبالغ دى للموظفين كاملة و توقيع الموظفين
بعدهم فى الجلسة مع الموظفين انهم بياخدوا مرتبات بالمبالغ الصغيرة اللى كل واحد
كتبها و كتبوا قدامها التواريخ ومضوا عليها
7- بعد كدة جت لجنة تحقيق من الهيئة و عملت تحقيقات و
استجوبت المديرين و الموظفين و مضيتهم على اقولهم الموظفين قالوا اللى بيقبضوه و
المديرين قالوا انهم بيتبلوا عليهم.
8- الهيئة قالت ان لو الموظفين معملوش التسوية و استلموا
المرتبات هنقفل الشركات و نلغى الدعم من عليه
9- بعتت الهيئة للمديرين علشان يجيبوا الفلوس للهيئة و بعتت
للموظفين علشان ييجوا يستلموا الفروق المختلسة من المرتبات من مديرى الشركة
المختلسين بعد ما اتكدوا ان الموظفين على
10- الموظفين بعتوا احدهم كمندوب للاعتذار و مرضيوش يروحوا
يستلموا فروق المرتبات المختلسة الا لو مضوا عقود جديدة سليمة و كل واحد معاه عقد
و يضاف بالعقد بندين علشان الموظفين يحموا نفسهم من المديرين و علشان ميمشوهومشىبعد
استلام الفلوس المختلسة و كتابة التسوية.
11- المهم البند الاول ان يكون مدة العقد سنتين و هوه
مدة احتضان و دعم الهيئة للشركة و ان فى حالة انتهاء الدعم يعتبر العقد لاغى علشان
ميتحججشى مديرين الشركة و يقولوا ان بعد انتهاء الدعم ازاى هنديكم المرتبات اللى
كنتم بتاخدوها من الهيئة اثناء الدعم و البند التانى انه فى حالة اذا مشوهم يعطوهم
تعويض قمته راتب ستة اشهر علشان المديرة متمشيش الموظفين بعد ما يعملوا التسوية و
ياخدوا فروق المرتبات المسروق
12- الغريب ان الهيئة مرضيتشى تساعد الموظفين فى ده و لا
المديرين رضيوا لان طبعا
13- بعد مرور مدة طويلة جاء اجتماع للهيئة و لجنة
التحقيق و المديرين و الموظفين و كان قرار اللجنة ك
14- اولا اقرار اللجنة انه من نتيجة التحقيقات ثبت حدوث
اخطاء و تجاوزات مالية بالشركة
15- فتح الشركة و استمرار الدعم للشركة من الهيئة سواء
قاموا بعمل التسوية اما لا و ان الهيئة ليس لها دخل فى علاقة المديرين مع الموظفين
لان دى شئون داخلية و ان القرار ده مراعاة لمصلحة الموظفين و اسرهم
16- المديرة اتلككت مش عايزة الموظفين علشان تجيب موظفين
جديدة ميعرفوش حاجة و تبدا تسرق بنفس الطريقة من اول و جديد و طبعا الموظفين
مابيدهم حيلة لان محدش ساعدهم فى الزام مديرى الشركات بعقود تحميهم
17- طبعاً اللى حصل ان الموظفين اضطروا يقبلوا بالامر
الواقع بعد ما فتحوا الشركات تانى وبعد كل الشكاوى اللى بعتوها على مختلف
المستويات مجابيتشى فايدة واستلموا فروق
المرتبات المسروقة لغاية شهر 12 ما دام
كده كده فتحوا الشركات و الدعم هيستمر و منهم اللى مطاقشى يقعد تانى و منهم اللى
قال يكمل و خلاص علشان المرت
18- راحت مديرة الشركة جابتلهم عقود جديدة علشان يمضوا
عليها فيها ايه بقى يا معلم ان بدل ما تكتب زى العقود الاولانية صافى المرتب للشخص
مثلا 2000 جنية لا 1000 اساسى و 1000 مكافات فى حالة بذل جهد اضافى علشان ياما
تسرق النص تانى ياما كله يخاف يرد عليها بكلمة لحسن متدهوش غير الاساسى بس و
بالمرة تزل فى الموظفين شوية (هتعمل كل اللى انا عايزاة ولا...................)
19 – المهم صاحبى قالى لما اعترض على بند المرتبات فى العقد و كلم مركز
الابداع التكنولوجى فى القاهرة فى القرية الذكية قالولوا هنشوف حل للموضوع و
بعديها بفترة اتصل بيهم يعرف ايه اللى حصل
20- قالوا انهم بعتوا التعديل على بند المرتبات لمديرة الشركة و فاستنى
فالمديرة طنشت اسبوع كده و بعدين سالها صاحبى على العقد فاديتهوله فقالها انه
هياخد العقد يقراه فى البيت و يعرضوا على محامى و يرد عليها.
21- ايه اللى حصل تانى يوم كان معاهم لوحده لان الزميل التانى اللى كان
معاه كان غايب فمكلمهومشى حتى يكون هناك شاهد على الكلام و تانى يوم اضطر للغياب و
فى اليوم الثالث كانت المفاجاة
22- قالته شوف الشغلانة اللى انت خلصتها دى تساوى كام قالها ايه الكلام
الفاضى ده قالتله ما انت رفضت تمضى على العقد فانا بعت لمصر خلاص انك هتشتغل
بالقطعة قالها انه مرفضشى و ان ازاى انتى تتصرفى ب
23- المهم اتصل بمركز الابداع فى القاهرة فقالوله ايوه
هيه بعتت كدة و ان هيه المديرة و هيه حره تخلى اللى عايزاه بعقد و اللى عايزاه
بالقطعة
مواقف من تعامل المديرين
مع الموظفين
قالت
المديرة لزميلنا لما جاء فى يوم للعمل انت مش قدمت استقالتك امبارح فى التليفون
قالها لا انا اتصلت امبارح علشان اخد اجازة فقعدت تقوله انك استقلت و قالتله خلاص
انت فى اجازة مفتوحة لغاية ما نشوف الموضوع ده و اتصلت بعد كده بوالده قالتله هوه
تعبان نفسيا
طردت
واحدة زميلتنا من الشغل علشان دخلت لقيتها قدعدة من الناحية دى مش من الناحية
التانية و السبب انها بتكر كلامى
قالت
لواحد زميلنا انه لو ما مضاش على نسخة عقد بالمبلغ اللى بيقبضه و نسخة تانى على
بياض و بطل يتكلم عن الوصولات ميجيش تانى الشغل
كانت
بتقول لواحد زميلنا يروح يجيبلهم حاجات من بره وقبل ما يرجع تقعد تقول هوه بتاخر
كده مش كفاية انه بيجيبلك
واحد
صاحبنا كان طالع على السلم للسادس فلما وصل تعبان قعد فقالتله اول ما تدخل تمضى
حضور على طول و قالت للمديرة التانية اشطبى علية طالما ممضاش فما كان منه الا انه
قال اشطبى
بعد ما
بعتت واحدة زميليتنا علشان تاخد تدريب فى القاهرة فى نص التدريب جابتلها ورقة
علشان تمضيها انها لو سابت الشغل تدفع تمن التدريب مع ان مش المديرة اللى دافعاه و
ان هيه تخيرهم من الاول يمضو ولا لا قبل الذهاب للتدريب و قالت انا مش عايزاها