شاب يصالح حبيبته بهاشتاج "جيمى آسف وبيحبك".. ورواد تويتر يدعمونه: إرجعيله

أصبحت مواقع التواصل الإجتماع وسيلة لتوصيل رسائل الحب، فى عصرنا الحديث، فلم يجد "جيمى" إلا موقع التدوينات القصيرة "تويتر"، كوسيط لمناشدة حبيبته بمسامحته والرجوع إليه، وذلك عبر هاشتاج "جيمى أسف وبيحبك"، والذى أحتل صدارة الموقع بشكل مفاجئ.
تصدر الهاشتاج

وكتب جيمى :" أنا عارف إن ده ممكن يبوظ الدنيا اكتر ما هي متنيله على دماغي بس مقدميش حل تانى إنى أكلمك غير هنا وعشان عارف إنك مش هتفتحي الهاش تقرى اللى جواه خليت الناس تساعدنى يطلع ترند عشان تشوفيه عندك فى الترند و تعرفى إنى بحبك.. والله العظيم بحبك".
وتابع فى تغريدة أخرى:" أنا بس عايز أقولك إن أنا عملت كده عشان مش عارف أوصلك مش عشان حاجه تانية وعايز أوصلك إن أنا بجد آسف و إن أنا بحبك وإنك بجد وحشتينى".
تغريدة جيمى

ولاقت تغريدة جيمى رواجا واسعا عبر الهاشتاج، وانهالت عليه آلاف التعليقات الداعمة له للضغط على حبيبته للرجوع إليه، ولكن على جانب آخر لم تخل التعليقات من السخرية المعتادة من المصريين.
التعليقات على الهاشتاج

فقالت هبة ساخرة على طريقة فيلم "الناظر":" إحنا رفعنالك الهاشتاج يا عم جيمي.. رجعت خير وبركة مرجعتش ..لا يكلف الله نفسا إلا وسعها "، فيما قال محمود :" ارجعيله بقى أنا سايب المذاكرة و عندي فاينال وهسقط بسببك انتى و چيمى".
تعليق ساخر

بينما ناشدت رحاب حبيبة جيمى، قائلة :" بصي.. انا لا أعرفك ولا أعرف جيمي ولا أعرف مين انتو أساسا بس كل الناس بتقولك ارجعي لانه بيحبك بجد فارجعي بقا متبقيش ضيقة"، وقالت آية :" ما تخلصونا بقى من الزيطة دى و ترجعيله يا بنتي".
السخرية على الهاشتاج
تعليق اخر

وبعد انتشار الهاشتاج بآلاف التعليقات، كتب جيمى :" شكرا لكل اللى شارك فى الهاش ده و خلانى أوصلها الكلام ده حى اللى اتريق و اللى قال وجهه نظره و اللى شتم برضه شكرا ليك انك ساعدتنا فى إن الهاش ده يوصل".