إلى كل مصرى

تعالوا نزرع توشكى ونبنيها
تعالوا نعمر سينا وأراضيها
تعالوا نشوف العوينات يعنينا
تعالوا نكون حديد حواليها
ونروح الوادى الجديد
ونخلى أيامه كلها عيد
يالا بينا يا شباب 25 يناير
يالا نحط إيدينا فى كل إيد ونصحى كل نايم
ونعمر كل شبر ف بلدنا
داسوا عليه ودمروه
ونرجع الحق لأولادنا
تعالوا نزرع قطن وقمح جديد
والفول والغلة والمؤنة
ونبطل نمد أى إيد
علشان يدونا المعونة
ونقفل علينا بلدنا
ونربى ونعلم ف أولادنا
ونديهم كل اللى ما فينا
من علم ودين لنبينا
ونقولهم ليه يحترمونا
ويحترموا كل جيل قبلينا
الثورة يا ولاد مش شعارات
ولا تشفى وبكى ع اللى فات
الثورة يا ولادى ثورة عمل ثورة أمل
ثورة كفاح وكفاية اللى اتعمل
دى مصر يا ولاد مدة إيديها
تدوها وماتبخلوش عليها
طلبطوا يغيروا دستور وحكومة
وبرلمان وحزب حكمونا
ادوهم فرصة يأدوها ويحققوا كل أمانينا
دى بلدنا غالية أوى علينا
تستاهل عملنا وأغانينا
ونختار ريسنا بإدينا يحكمنا ويعيش وسطينا
يا كل مصرى يا كل مصرية ف الإعدادى أو ف الكلية
تعالوا نقول يا رب بلدنا تكبر وتقوم م الكبوة دية
واحميها يا رب وخليها