:شجرتنا.. حضارتنا

قوم وصحصح يا شاب فوّق، نفض التراب وقوم ودوّق
الحياة لذة لحب مصرنا فاكهة ولربنا اسمى واحلى .... فوّق.
يا اللىّ قلت فى حضارتنا القديمة ... عملتنا قيمة وسيما،
ونسينا دلوقتى ايدينا ..... اللىّ تبنيلنا حضارتنا الجديدة
قوم وصحصح يا شاب فوّق ..... انتَ المصرى ارفع رأسك لفوَق
قوم واشرب من نهر جدودك....... دول عملوا حساب لقدومك
زرعوها ببذرة أصيلة ....... وأنتَ يا قليل الحيلة
نايم وتشيش وتشرب بيرة
عيب علينا...... عيب علينا بجد لما يكون اجدادنا بنولنا حضارة قوية وإحنا فى غمزة بصر ضيعناها فى ثانية. ما تقولش جدودنا عملوا الحضارة وخلاص..... قول انتَ عملت ايه لنفسك ولوطنك ولدينك...... بدل ما انت قاعد بتقرأ الكلام ده زى الجرايد .... متفكر....متفكر فيه ؛ ممكن يتحول حلمك وحلمى لحقيقة. ما تحط ايدك فى أيدى نلتف تحت علم شامخ ونهتف بأعلى صوت يا أحلى اسم فى الوجود ..... يا مصر.
أنا بحب مصر وبغير عليها صوتى بيعلى لما حد يغلط فيها لفيت العالم لفّ مالقتشى غير حضن بلدى الدافى علشان كدة بغير عليها وليا حق أننا أشوف بلدى وهيّا فوق ...... .
مش كفاية ...... حبينا كفاية تعالى نروح نزرع شجرة ومش عيب ناخد بذورها من بره نسقيها ونرويها، جذورها دَنّا غصونها مصريتنا.... كل يوم مشاكل اشى فلان اشى علان.... ما كل واحد يراعى دينه فى شغله وبتلوا رغى ارحمونا!!!! كل واحد يشوف حاله ويعمل اللى عليه ضميره ونشوف.... ونشوف ليه الغرب سبقونا ونقلدهم مش فى المرقعة والصياعة وآيلة الحيلة...
تعالوا نزرع الشجرة .........