سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
"فن رص النيش" مهنة تنتقل من وجه بحرى للقاهرة.. الأسعار تبدأ من 200 جنيه والزيادة حسب المساحة.. محترفوها بين مهندسى ديكور وعاملين فى "المولات" التجارية.. و"الدولايب" للنساء فقط
وسط دعوات الاستغناء عن النيش التى تملأ فيسبوك ، قد يظن البعض أن كل البيوت الشبابية الجديدة ستخلو منه أو على الأقل تضم نيش متواضعًا على استحياء. ولكن الحقيقة أن هذه القطعة الخالدة فى البيوت المصرية لا تزال محافظة على وجودها بقوة، وتمنحها العروس الكثير من الاهتمام بدءًا من محتوياتها وصولاً إلى طريقة ترتيب هذه المحتويات لدرجة تدفع البعض إلى الاستعانة بشخص متخصص لترتيب وفرش النيش بشكل احترافى، حتى أصبحت هذه المهنة المستحدثة موجودة وبقوة، ويقوم بها إما مهندسو ديكور أو عاملين فى "المولات" التجارية منحهم العمل فى ترتيب البضائع فى فتارينها ما يكفى من خبرة لرص وترتيب نيش العروسة بطريقة جذابة.
"سحر وسيد" زوجان وشريكان فى العمل هو يرص النيش وهى تخصص دواليب قبل 5 سنوات كان "سيد حمادة" يعمل مقاولاً فى مدينة دمنهور، وفجأة اضطرته الظروف لترك العمل فى المقاولات فاضطر للعمل فى "مول تجارى" ليواصل رعاية أسرته. تعلم "سيد" فى المول كيفية رص البضائع بشكل جذاب فى الواجهات الزجاجية وترتيبها داخل المحل بطريقة مثالية توفر فى المساحة، ومن هنا خطر بباله أن يفكر فى عمل إضافى يستغل فيه موهبته التى برزت سريعًا فى تعلم كيفية رص المنتجات.
سيد حمادة وجانب من اعماله وتحكى "سحر أبو جودة" زوجة "سيد" ل"اليوم السابع" عن هذا العمل الجديد :"كانت الناس تيجى تشترى منه فى المول وكانوا يطلبوا منه يرص لهم النيش فكان بيروح، وبقى محترف فى الشغل، بيرص النيش والمطبخ كمان والمحلات لو حد بيفتح محل جديد".
يتفاوت الوقت الذى يستغرقه الزوجان فى إنجاز عملهما وفقًا للمفروشات نفسها والمساحة أيضًا، ولكن "سحر" تقول إن العامل الأهم هو الحظ "هى بتبقى قِرف بصراحة.. عروسة يبقى يومها حلو ونخلص فى ساعة ساعتين وناس نقعد يوم كامل وما نخلصش".
رص الدواليب مع الوقت دخلت "سحر" مع زوجها فى العمل وتحكى: "هو بيرص النيش وأنا برص الدواليب لو عروسة عايزة ترص نيش ودولاب، اتعلمت منه ومن قريبة لى لكن هو أشطر منى بصراحة".
أما عن أسعار رص النيش فتقول "سحر": "زوجى ما بيتحكمش هو بيتفق مع الناس حسب إمكانياتهم لكن السعر ما بيقلش عن 100 جنيه، فى ناس تدى 200 وناس تدى 500 على حسب قدرتهم وحسب المفروشات".
رص النيش ورغم أن عملها يعتمد على فرش النيش وترتيب الدولاب إلا أن "سحر" ترى أن ما يحدث من مبالغات فى شراء المفروشات والملابس ومحتويات النيش خطأ، وتقول: "بشوفه افتراء وحرام بصراحة، يعنى فى عروسة كانت جايبة حاجات تجوز عروستين معاها، ووالدتها نفسها مش عاجبها وبتقول بنتى طماعة، وأنا بصراحة بشوف الجوازات اللى من غير مبالغة فى التكاليف بتعمر أكتر".
"هند" مهندسة ديكور أسست فريقا لرص النيش من باب الديكور دخلت "هند عامر" عالم "رص النيش" وترتيبه، فهى خريجة فنون تطبيقية قسم ديكور وعاشقة لتنسيق الألوان والتنظيم، ولكنها لم تعمل فى مجالها حتى قررت أن تدخل مجال "رص النيش" بعد 7 سنوات من التخرج.
تحكى ل"اليوم السابع": "ما اشتغلتش بعد التخرج فى مجالى لكن كنت بحبه وبفكر فى موضوع تنسيق وترتيب الشقة للعروسة، فكرت أخد الخطوة بعد ما انفصلت وكنت عايزة اشتغل وماحبتش أسيب أولادى وأشتغل فى شركة، فلقيت دى فرصة شغل حلوة، أشتغل وابقى معاهم فى نفس الوقت".
هند عامر وجانب من عملها بدأت "هند" عملها فى هذا المجال خلال هذا العام، وتقول "اكتشفت إن الشغل دا موجود فى وجه بحرى من سنين وماحدش هنا فى القاهرة يعرف عنه حاجة. بدأت أدور وأعرف أكتر عن الشغل دا والأسعار والأفكار أخبارها إيه، وبدأت أشتغل بسعر أقل من الناس الموجودة من سنين لأن ليهم اسمهم"، وتوضح "الأسعار بتبدأ من 250 جنيه وتزيد على حسب المساحة، أنا بشتغل ب 200 جنيه وما بزودش على حسب المساحة".
تستغرق "هند" يومًا واحدًا فى ترتيب النيش والدولاب والمطبخ بمساعدة فريقها، وتقول "العروسة ما بتبقاش فاضية وممكن ما تلاقيش حد يساعدها، أو قرايبها ما يعجبهاش ذوقهم فبتلاقى دا حل مناسب".
رص الدواليب والنيش تستنكر "هند" ما تلاقيه فكرتها من هجوم على الإنترنت، وتقول "فى ناس بتهاجم الفكرة وتقول هى وصلت للدرجة دى، وأنا مستغربة إيه الفرق بين دا وبين إنهم يدوا مفتاح شقتهم لمهندس ديكور يعملها من الألف للياء".
