أسامة أيمن أسعد يكتب: عيبة ف حقك

إنك تمشى تضايق
واحدة بدون م
تضايقك
عيبة ف حق
رجولة راجل
مش راح أقولك
فكر ف أختك
مش راح أقولك
إنه حرام
أنا مش راجل
دين م إنه باين
إنه بجد حرام
اسمع منى كلامى
ويمكن قولى يفيدك
بطل تنظر ليها بنظرة
على إنها جسم
بيتحرك على إنها
كائن الزينة
دى إنسانة وزيها زيك
من حقها تحيا ف وسطينا
أصل الفرق م بينها
وبينك بس النوع
إنت بتغضب تجرى
تكسر هيا تنزل بحر
دموع
بس العرف عليك وعليها
ف المسموح بيه
والممنوع
يا أخى دا رب الكون
صورها لأجل تكون
للراجل سكنه
لأجل تشاركه ف
فرحه وسعده و
تسند لما يصادف محنه
لأجل تشاركه ف كل
حياته
قوللى ازاى هيكون الراجل
من غير أمه وقلب مراته
المسألة مش ته مربوطة
المشكلة مفاهيم مغلوطة
المسألة مش واحدة وواحد
الموضوع أكبر بكتير
أنتم مش حاسين
بقيمتها
ناظرين لها نظرة تحقير
ناظرين لها نظرة بدون
داعى
مع انها تفكيرها كويس
عقلها ناضج فاهم واعى
....
كنا زمان قبل الإسلام
نسمع وأد بنات مولودة
واحنا اليوم برضو
بندفنها جوا أفكار مغلوطة
وسودة
تلغى هدفها
وتلغى طموحها
وتلغى اساس انها موجودة
ياللى عاكست البنت مرة فكر وافهم
بس دقيقة
أيوة البنت تحب
جمالها
أيوة دى فطرة
وفيها حقيقة
بس جمالها دا ملكها هيا
ليه بعيونك تسرق منه
ليه بلسانك تجرح فيها
سيبها ف حالها
بدون تعليق
لبسها واسع لبسها
ضيق مش موضوعك
ليها اله هو اللى يحاسب
شق طريقك انت وسيبها
وفر نظرة عينك لأحسن
يبقى وراها بمتر خطيبها
وعنيك م تشوف الا النور
تبقى خسرت كرامتك طبعا
تصبح كدا مضروب مشهور
واحنا ما شاء الله ف النشر
كل الناس راح تعرف بيك
اخر حاجة اقدر اقولهالك
يمكن بس تأثر فيك
قبل م تجرى ف يوم تضايقها
قبل م تجرى بدون تفكير
فكر أن نهايتك وحشة و
انه جريمة وذنب كبير
اما رسالتى لكل بناتنا
اوعى تخبى واوعى
تخافى قولى وحقك راح
تاخديه
مهما الناس بقوا ضدك انتى
كونى قوية و هتواجهيه
اوعى تصدقى قولهم فيكى
اصل كلام الناس تخاريف
ممكن يشكر ف اللى
بيغلط ممكن يشتم
حد عفيف
ف اوعى تصدقى
قولهم فيكى
انتى النص الحلو
وانتى اجمل وردة ف وسط
الكون
اجمل ضحكة وبيكى حياتنا
صبحت حلوة بطعم و لون
ياللى عاكست ف يوم او ناوى
وفر وقتك وفر جهدك
ياللى عاكست ف يوم او ناوى
احمى كرامتك واقفل بقك
فكر انها راح تبقالك أسوأ ذكرى
و عيبة ف حقك