بسأل عنه لما يغيب

صاحبى مسيحى وبدخل بيته
عمرى م حسيت إنى غريب
باكل من طبقة ومن غيطه
ودايما حاسس أنه قريب
ياما غطانى وياما غطيته
وبسأل عنه لما يغيب
عمر م حاجة توقع بينا
أولها ألاعيب الديب
عمرنا م نخاف من أفعاله
فاهمين اللعبة وحفظنها
ب يحاول أنه يفرقنا
وعمر م راسنا ف يوم ندفنها
لما العيب يطلع من واحد
يبقى أكيد من أهل العيب
وعشان كدة مهما يورينا
عمرنا يوم م عليه حنعيب
وإن كان على حقنا فاكرينه
طارنا ح ناخده ومش ناسيينه
وحياة دم ولادنا الغالى
دة وعد بجد ومش ترهيب
دين الواحد فينا ب يبان
من خوفنا جوانا على بعض ..
عايز تعرف أصل المصرى
لما ب يوعد يوفى الوعد
قلبنا أبيض يامااا وافيينا
وبننسى القسوة مع الوقت
بس اللى حصلنا مش قسوة
دة غدر بعينه وناس متفقة
تفرق بينا طول الوقت