أتكلم فى الدين

مش جاى أتكلم فى الدين حتى ولو مش متفقين
أنا جى أوضح فى الصورة اللى عدى عليها سنين
لو فاكر أنى فرحان أو حتى عليك أنا شمتان يبقى إحنا مش بنى آدمين
تبقى أنت الصاحب والجار ومعاية لآخر مشوار وتقولى النار جاية منين
كنا زمان واقفين مع بعض ساعة الغزو نهد الأرض ونقول إحنا المصريين
وشعارنا دايما مرفوع ده هلال وصليب بقى موضوع يتكلم عنه الملايين
وفى عيدى بتيجى تهنينى ونتقابل وده شىء يكفينى والدنيا بحالها شاهدين
مش جاى أتكلم فى الدين حتى ولو مش متفقين
أنا جى أوضح فى الصورة اللى عدى عليها سنين
وأكيد أنا زيك زعلان ومش راضى لأنى إنسان وفراقنا بقى لصالح مين
ونفكر لحظة من فضلك مين اللى هيفرح من ضربك غير هما شوية مجانين
وفى عيدك أنا لازم أجيلك وأفرحلك وأهنى وأزيدك وهنفضل دايما فاكرين
دى كنيسة قدامها الجامع ومحدش فى الدين بيمانع واحنا تملى أكيد فاهمين
ده أكيد حاجة وجاية علينا عاوزة تفرق أحلى ما فينا وياريت كلنا نفضل واقفين