دار الكرم

دارك
يا سعد من زارك
يا مهد خير الأنبيا
علّا الله مقدارك
يا مكة الله كرمك
وبعطر أحمد عظمك
هلت نسايم موسمك
على قلب زوارك
من كل حدب وصوب
أفواج بتدعى يا رب
جمّع ما بينهم حب
أعظم من اختارك
م الدنيا طولها وعرض
جايين يقضّوا الفرض
أطهر بقاع الأرض
كان نفسى أكون جارك
باب الحرم مفتوح
بالمسك ريحته تفوح
يا فرحة اللى يروح
ويهيم فى أنوارك
يا زهرة فى قلب الخليج
محلاكى فى التوب البهيج
يا خادمة عمّار وحجيج
فى مساكى ونهارك
يا رب زيد الخير وجود
وجازى عنا آل سعود
عبد الله أهله والجدود
وفى نسلهم بارك