كلمات.. فى ذكرى مولده

يا نور الحق أنوارك.. هدى وإيمان.. رسول الرحمة من ربى إلى الإنسان.. سعيت والصبر مشوارك بكل حنان.. يزيد المولى مقدارك.. وفى اطمئنان.. النصر يسعى معاك.. بكل ميدان.. يا خاتم الرسل فى الكون.. ليوم الدين.. اختارك الخالق قدوة صلاح ويقين.. وجيت للمؤمنين «أسوة» وعمل دايمين.. بصدق بلغت الرسالة لأنك وفى وأمين.. فالمولى جعلك نوراً ورحمة للعالمين.. رفعت رايات الكرامة لعزة الإسلام.. نشرت نور المحبة عشان نعيش فى سلام.. وضعت أسس التعامل بالسُنة أحلى كلام.. الأخ يكرم أخاه تصبح حياتنا وئام.. فى عيد مولدك الشريف.. يا حبيب الله.. نهدى التحية إليك وأجمل سلام وصلاة.. صبحنا بفضلك بنشهد «لا إله إلا الله».. وإحنا بقلوبنا نشهد أنك رسول الله.
سمير صديق
بطل الرماية - الحكم الدولى
نورٌ تألق فوق البيت والحرمِ.. كالشمس يهدى سبيل الخير للأممِ/ محمدٌ نور الهدى علت فضائلهُ.. بالدين أرسى حقوق الناس والذممِ/ قد آواه رب الكون عند مولدهِ.. وهداه فضلاً من الحلم والشيمِ/ ما خط بالكف حرفاً منذ مولدهِ.. لكنه فاق بالعلم من خط بالقلمِ/ ساوى بين الناس فى الحق كلهمُ.. لا فرق ما بين مسكينٍ وذى نعم/ جمع الزكاة فأغنى كل ذى عّوزٍ.. وشفى صدوراً من حقدٍ ومن نقمِ/ جعل الإخاء فى الدين منهجهُ.. وأنهى حروباً بين القوم من قِدمِ/ وكان العفو يوم الفتح شِرْعتهُ.. فأرضى القلوب بعد البغض بالكرمِ/ بيثرب قد قامت بالعدل دولتهُ.. فعلت فوق الكل بالعدل والهممِ/ ألا يا قومى قوموا نحن أمتهُ.. نبنى صروحاً تعلو على القممِ/ ربى صل على خير من مشى.. فوق الأرض من خلقٍ على قدمِ.
د. عصام خضير
ah_khodair@yahoo.com.
كان يوم ميلادك يا نبى كان يوم سرور.. والحق بات بقى عندنا ولا فيه شرور.. والناس بترحم بعضها ولا فيه غرور.. وبلال دا عبد ونعشقه وكمان نشور.. يدن ويطول عننا بقى وشه نور.. وضعيف يصلى وأمنا ولا مين يجور.. الدين دا عِز وفى البلاد بقى حلمها.. يدخل بلاد ولا فيه قتال بقى ضمها.. والناس تأمن فيه قيود بقى فكها.. والعدل لاح والحق فاح بقى وسطها.. والفتح وسع عمقها ونصر عباد على شرها.. حط المبادئ صفها والعدل عشش وسطها.. لو يوم ميلادك يانيى ونعود سريع.. ونعلى فيه بقى حلمنا وكتير يطيع.. والدرب هات من أوله لو كان فظيع.. وننول شفاعته وحكمته وبأقول وأذيع.. دا إحنا إللى يصلح دربنا لودينا يثبت وسطنا.. والناس تخاف من ربها ولا فيه حاجات هتهتها.. والكل يعبد ربنا ونخاف ونصلح نفسنا.. دا الخير هيكتر عندنا ويزيد ويسعد جمعنا.
د. السيد محمد راشد
أستاذ جامعى - شعشاع - منوفية
جينا عندك يا نبينا.. نشتكى لك م اللى بينا.. ابتلينا اتأذينا.. أمتك قست علينا.. صبرنا منا حيفرغ.. خد بإيدنا إدعى لينا.. القدر نرحم ولكن.. ما اترحم دمع فى عنينا.. اتأذينا واتأذيت.. إيه جنينا وإيه جنيت.. واللى يجرى ليك ولينا.. عنه من قبل رويت.. ارتضيت العدل ليهم.. عن نفاق بينهم نهيت.. عمرهم ما سمعوا أمرك.. بس لو سمعوه يا ريت.. لو ما قبلوا الظلم بينهم.. ما جرأ كفار عليك.. قبل ما يلوموا عليهم.. يسألوا اللى ضحوا بيك.. صاموا صلوا وما راعوا.. ربهم اللى هاديك.. عدلهم قوة بتهزم.. العدو اللى يعاديك..
 أمتك خضعت وذلت.. لما نسيت نور نبينا.. عاشوا وهم الدنيا حتى.. هانوا ديننا سبوا فينا.. لو يعم الحق بينا.. ما قدر ظالمين علينا.. انشروا سُنة نبينا.. علوا شأنه عزوا دينا.. نحمى دينك يوم ما نبقى.. يد واحدة نمشى خلفك.. نتبع فى الخير أوامرك.. سُنتك نورك وهديك.. كان مقامك عند ربك.. فى الأزل من قبل خلقك.. ارتفع اسمك فى لوحه.. وأذل اللى يخالفك.. اقترن اسمك باسمه.. يبقى ذكر الله وذكرك.. جينا عندك يا نبينا.. قلبنا ينبض بحبك.
د. وفاء السيد