زيارة مصطفى شعبان تعيد الحياة لوالدة الشهيد النقيب هشام شتا.. الأم المكلومة احتضنت شاشة التلفزيون فور مشاهدة فيلم كود 36 لتشابه وجه بطل الفيلم مع ابنها شهيد كرداسة .. و اعتقدت عودته لحضنها مرة أخرى

نشرت الإعلامية إيمان الحصرى على صفحتها بموقع التواصل الاجتماعى فيس بوك تدوينة، عن النقيب الشهيد هشام شتا أحد الضباط الذين استشهدوا فى مذبحة كرداسة الشهيرة.
التدوينة التى لاقت إعجاب عدد كبير من المتابعين للصفحة، تروى حكاية أم فقدت ابنها الذى نال الشهادة فى دفاعه عن وطنه، وجاء فيها الحكاية بدأت برسالة من والد الشهيد النقيب هشام شتا، و "النقيب هشام شتا للي ميعرفوش واحد من 14 ظابط و فرد شرطة استشهدوا فى مذبحة كرداسة الشهيرة فى 14 اغسطس 2013 )، بيحيكلى فى الرسالة أن والدة الشهيد هشام بعد ما شافت فيلم إسمه كود 36 بطله الفنان مصطفى شعبان و اللى فى شبه كبير جدا جدا من ابنها الشهيد، وبالصدفة كمان فى الفيلم ده كان عامل دور ظابط شرطة بدأت تبكى بحرقة و تنادى عليه وتحضن الشاشة وتقول ده هشام !! .. و هو نفسه يسعدها و يفرح قلبها و لو لدقائق، فلو ممكن أن مصطفى شعبان وأنا نزورها فى البيت لأنها لو شافته هتشوف فيه ابنها و هتبقى سعيدة و دى أمنية لها، بس هو بيبعت الرسالة من وراها عشان لو وافق تبقى مفاجأة و لو رفض ما تزعلش" . انتهت الرسالة.
وتكمل الإعلامية إيمان الحصرى، " وصلت لمصطفى شعبان اللى كان صعب الوصول إليه عشان بيصور شغل رمضان و من غير تفكير أو تردد الحقيقة أول ما عرف الحكاية وافق على طول على الزيارة و كان متحمس جدا و حددنا الميعاد مع والد الشهيد أننا هنروح النهاردة، الأب قرر يعملها مفاجأة للأم و فهمها أن زملاء هشام (الله يرحمه)جايين يزوروها و كانت محضرة سفرة كاملة احتفالا بيهم" .
وضيف إيمان الحصرى، "الحقيقة المشهد اللى فتحت فيه الباب و لقت قدامها مصطفى شعبان و الله العظيم مش لاقيى أى كلام يوصفه !! بس ممكن كل واحد يتخيل حجم المفاجأة والدهشة والدموع و الوجع والفرحة و الألم و الأمل لأم اعتقدت و لو لدقائق أن ابنها عاد إلى حضنها !".
الحكاية التى روتها الإعلامية إيمان الحصرى، نالت جانب كبير من الإعجاب والتعليقات على مواقع التواصل الاجتماعى، مشيدين بتضحيات أبناء مصر من أجل وطنهم.