معركة الجبلاية .. الوهمية .. من تسعيرة " القفا " ..إلى لف وإرجع تانى ".. الاتحاد لا يعرف القانون .. أو عارفة .. وسايب السماسرة يقلبوا عيشهم واللعيبة خارج الخدمة

كشف خالد الغندور على المستور ، فى الهجوم غير المبرر على النجم الشاب لاعب مصر والأهلى رمضان صبحى ، حين قال : " طيب ليه ما فيش حد بيقول إن أنديه وعلى رأسها الأهلى بتفاوض نجوم قبل الميعاد ، يعنى بدء السوق دون فتح الباب "
يا ساده .. فى الكرة المصرية .. لازم نفهم أن القادم مع إتحاد الكرة غير مأمون العواقب ، فمن غير المعقول ألا يكون لدى إتحاد الكرة جهاز لقياس مواعيد ، وأوقات التفاوض المسموح به لإنتقال اللاعبين ؟!
كمان من غير المقبول ، كل الكلام على أقل ما يوصف به أنه غير منضبط ولا يصلح .. ولا يمشى الكره قدام قدر محيطها ، حول أن " العقد باشا " شريعة المتعاقدين ؟!
يا أفندم نحن لا نبيع خرده .. آى والله !
دى كوره قدم سيادتك .. ولو حضراتكم عارفين وفاهمين فيه إيه كان لازم يكون عندكم جهاز رقابى لقياس زمن المفاوضات !
يا ساده .. فى الكرة المصرية .. ازاى بنطالب الجبلاية بضبط أروقة الكره ، بينما هى تترك السوق من أجل عدم المواجهه ، وجذب الأصوات أمام سماسرة ، يلعبوها خرسا ، يعنى لا يفكرون غير فى المكاسب ، حتى دون ضرائب ولا يحزنون ؟!
إنما نقول إية ؟!
آه .. نقول .. الدولة فين !
ولازم نرجو الدولة انها ما تقولش الجمعية هى المسئولة ؟!
يا أفندم دولتنا .. جمعية ايه ، إللى فيها رئيس نادى بيضرب حكم دولى قفا ؟!
يا ساده .. فى الكره المصرية .. بين تسعيرة "قفا" الحكم التى وصلت إلى
7آلاف جنية ..وترك حقوق اللاعبين و تعطيلها فى لجان الجبلاية .. تتوه كل الحقائق ؟!
هل تعرفون أن نجوماً لم يأخذو حقوقاً ماليه لهم ...منذ موسمين لأن الجبلاية حريصة على اللى يضيعو الفلوس على الفاضى !
آى والله كده؟!
ياسادة .. فى كرة القدم المصرية..تخيلوا أن ..هناك من يتفق مع الأندية على أن ترسل شيكات بدون رصيد الى اللاعبين أصحاب الحقوق المثبته بالشكاوى لمجرد دفع أسماء الأندية و السماح لها بقيد لاعبيه و الاستمرار فى المسابقات بعدها يجد اللاعب الشيك بدون رصيد..طب هيعمل إيه المسكين ؟!
بكل بساطه..ها يرجع الجبلاية.. وبين أدوار المبنى يبدأ الاجراءات من جديد؟!
ياساده..فى الكورة المصرية ..وقتها تكون الأندية سجلت اللاعبين ولعبت وكله تمام !
طيب خد عندك دى..فجأه تلاقى نادى بلغ الإتحاد ،أن اللاعب اللى بيشكى من غياب حقوقه ..عليه غرامات أكثر من حقوقه!
يأخى يجعلوك تشعر أن الأندية لها حق الضبطية الفلوسية؟!
يعنى حضرتكم اللى يقولوه ماشى !
بلاها كده ..خلينا نقول لحضرتكم أن قواعد "الوكلاء " الحقيقيه غير معمول بها !
طبعاً..صدقونى ..فلا يسأل عن مكتب و آهه..أى عنوان و السلام!
ياساده..فى الكرة المصرية ماذا ننتظر إتحاد لا لوائح به ولا يريد النظر فى القانون أو العمل به ...وكل ما يقدمه جلاسات وقعدات عربى ؟!
هل ننتظر أن تكلف لجنه علميه بوضع ضوابط للتسنين؟!
طيب مستنين منهم..يطالبوا الوكلاء ..أسف السماسرة ..بأوراق حقيقيه قانونيه ؟!
سلمها لله يا عمنا .. بيقلب عيشه..والجبلايه تتفرج من تسعيره "القفا" ..الى لف وارجع تانى !