قاتلة موظف بالمعاش فى طنطا: "روحت أخد منه العيدية فطلب يعاشرنى جنسيا أصله بتاع نسوان".. وتعترف: "رفضت عشان مبحبش قلة الأدب واتفقت مع وليد نخلص عليه".. والنيابة تحبسهما 4 أيام

"حاول ينام معايا غصب عنى وأنا بنضف شقته فى العيد وأنا مليش فى قلة الأدب فقلت لازم أقتله علشان دا راجل مش كويس وبتاع نسوان واتفقت مع وليد ودخلنا عليه وهو نايم فى أوضة النوم وخلصنا عليه علشان نرتاح من قرفه".
بهذه الكلمات اعترف المتهمان وردة وتعمل خادمة ومقيمة بقرية سبرباى مركز طنطا، ووليد ويعمل بشركة نظافة بمستشفى طنطا الجامعى ومقيم بقحافة ثان طنطا بقتل ناجى محمد كامل أحمد حسن 74سنة موظف بالمعاش داخل شقته بمنطقة قحافة.
وأضافت المتهمة فى اعترافاتها "أنا كنت بروح اخدمه علشان عايش لوحده، وتانى يوم العيد روحت له علشان أخد العيدية وطلب منى انضف الشقة، وأنا بنضفها أحلويت فى عنيه وقالى أنا عاوز أنام معاكى ورفضت ده لأنى ما بحبش قلة الأدب وكان "وليد" بيمسح سلم البيت واتفقت أنا وهو أننا نخلص عليه جريت على المطبخ جبت سكينة وخبطته فى رقبته ووليد ضربه فى بطنه وهربنا ورمينا السكينة فى ترعة القاصد".
بداية الواقعة ببلاغ تلقاه مأمور قسم شرطة ثان طنطا بالعثور على جثة ناجى محمد كامل أحمد حسن 74سنة موظف بالمعاش داخل شقته بمنطقة قحافة ملقاة على سرير حجرة النوم مطلخة بالدماء ويرتدى ملابسة كاملة وبها طعنات بالصدر والرقبة، وتم إخطار اللواء نبيل عبد الفتاح مساعد وزير الداخلية لأمن الغربية قرر تشكيل فريق بحث لكشف ملابسات الواقعة قاده اللواء إبراهيم عبد الغفار مدير المباحث الجنائية ضم المقدم وليد الصواف مفتش الإدارة المركزية بطنطا وضباط إدارة البحث الجنائى والرائد أحمد الحجار رئيس مباحث قسم ثان طنطا وضباط وحدة مباحث القسم.
وتوصلت التحريات إلى أن وراء الواقعة كل من "وردة ى ا" خادمة، و"وليد محمد ف ع" عامل بشركة نظافة، وتم ضبط المتهمين واعترفا بارتكابهما الواقعة، حيث كانت الأولى تتردد على المجنى عليه على فترات متفرقة للعمل لديه خادمة وفى ثانى أيام عيد الأضحى المبارك، توجهت لمنزله للحصول على العيدية وطلب منها تنظيف الشقة وعقب ذلك حضر المتهم الثانى لتنظيف سلم العقار وأثناء تواجدها بالشقة حاول المجنى عليه معاشرتها جنسيا إلا أنها رفضت ذلك، وقررت التخلص منه بالاتفاق مع المتهم الثانى وقامت بإحضار سكين من المطبخ وتوجهت لغرفة نوم القتيل وطعنته بالرقبة وقام المتهم الثانى بطعنه بالبطن وقاما بسرقة ساعة يد ونظارة شمسية وفرا هاربين، وتخلصا من السكين بإلقائها فى ترعة القاصد، وتحرر المحضر 23449جنايات قسم ثان طنطا، وقررت النيابة حبسهما 4 أيام على ذمة التحقيقات.