زوجات "فيس بوك" يتذكرن تعليقات أزواجهن بعد رؤيتهن لأول مرة بفستان الزفاف: "إيه كل التأخير ده وربنا كنت هسيبك وامشى.. فلوسى عاملة شغل.. أول ما شافنى قالى حلوة أوى اللمبة اللى أنت مركباها دى"

تختلف كل فتاة عن الأخرى فى كل شىء، لكن المؤكد أن المرأة كائن يعشق "الكلام الحلو والمجاملات"، لأن المرأة بطبيعتها تتمتع بعاطفة كبيرة لا يوجد لها مثيل، وهناك لحظات مهمة لدى جميع نساء العالم لا يوجد اختلاف عليها ولا تنساها مهما مر بها العمر ومن أهمها ليلة زفافها.
لذلك قامت إحدى الصفحات الاجتماعية على ال"فيس بوك"Society problems بطرح سؤال للبنات "إيه أول كلمة جوزك قالهالك لما شافك بفستان الفرح؟".
وقد نال هذا السؤال عددا كبيرا من الإجابات وانتشر على أغلب صفحات الفيس بوك وتويتر أيضا، ولأننا شعب يتميز بخفة الدم وهو ما يظهر دائما فى أهم اللحظات كانت جميع إجابات الفتيات على هذا السؤال تتمتع بخفة الدم، ما إدى إلى مشاركة الآلاف للرد على هذا السؤال والتعليق عليه.
ومن أبرز التعليقات على سؤال "أول كلمة جوزك قالهالك لما شافك بفستان الفرح؟" كانت: "أول ماشافنى قالى فلوسى عاملة شغل الصرف باين"، بينما أجابت أخرى، "أنا جوزى دخل ومسك إيد عروسة تانية من الكوفير وكان لسه هيبوس إيديها والعروسة عمالة تقوله مش أنا"، "أنا بقى جوزى لما خلصت الكوافير اتصلت بيه وقلتله أطلعى أنا خلصت طلع وأنا طلعت من الأوضة اللى فيها العرايس المحجبات وفضلت واقفة قدامه وهو قدامى وعمال يدور على أبصله وأبرقله وأزغرله وهو ولا هو هنا وبعدين ندهت عليه قالى إيه ده هو أنتى والله معرفتكيش، بس إيه الحلاوة دى دانتى بقيتى حاجة تانيا خالص"، "القمر ده من نصيبى أنا وباس إيدى ودى كانت آخر كلمة عدلة أسمعها فى حياتى".
الكوميديا تتجلى فى إجابة إحدى السيدات، التى أجابت عن هذا السؤال بقولها، قالى"أنا عايز مراتى.. قولتله وربنا أنا مراتك.. قال لأأ مش أنتِ أنا خاطب البت سوكة".
وتابعت الفتيات الإجابة عن هذا السئوال، "كان الكوافير حاططلى تحت عينى صف فصوص كده أول ما شافنى قالى حلوة أوى اللمض اللى أنت مركباها دى"، "قالى موتور الميه اتسرق من الشقة"، "طلعت من الصالون وحاطة الطرحة على وشى جه يشيلها قولتله لأ بصوت عالى، اتخض وقالى إيه هما مكهربينك".
موضوعات متعلقة :
- حملة سخرية من هزيمة الأهلى على "تويتر" و"فيس بوك".. جماهير القلعة البيضاء: "معرفش يخسر من دمنهور فعوضها فى المقاولين".. ومشجعو "الشياطين الحمر": يوم تسليم الدرع للزمالك المفروض يسموه "عيد تحرير الدورى