تتبارى صفحات الفيس بوك فى تقديم كل ما يهم اعضاء هذه الصفحات ويسعى ادمن هذه الصفحات فى نشر افكار غير تقليدية حتى يضمن الادمن المشاركة الفعالة من الاعضاء ادمن صفحة grow up your mind التى وصل عدد اعضائها الى 200 الف عضو دائما ماينشر على الصفحة موضوعات شيقة منها هذه الفكرة التى لاقت مشاركة معظم الاعضاء ووصلت المشاركات الى اعداد كبيرة بخلاف عدد التعليقات والاعجابات سواء بالصفحة او بما كتبه اعضاء الصفحة واخترنا بعض من مشاركات اعضاء الصفحة دون التدخل فى اى شئ Mahmoud Ali مرة جاتلى الصيدلية روشتة خطها وحش جداااااااا ومعرفتش افسر منها ولا صنف فانا شغلت دماغى وقولت للراجل لا الاصناف مش موجودة .... بصيت لقيته بيقولى طاب ممكن تكتبهالى بخط حلو اصل باقى الصيدليات محدش عارف يقراها وحضرتك اول دكتور تعرف تفكها معرفتش ارد عليه واقوله ايه Mayssara Mahmoud مرة واحد صحبي بيجحكيلي كان مرة بيصلي في المسجد بس جيه متأخر فكان بيكمل اللي ناقصله من الركعات قام واحد جي يعدي من قدامه قام صحبي مد إيده عشان ميعديش من قدامه قام الرجل سلم عليه ToQa Ibrahim مرة كنت راكبة ميكروباص و واحدة ست طلعت هى و ابنها الصغير و قعدوا جمبى الولد اول ما قعد ضربنى بالقلم و كل قعد يضحك طبعا !! Sara Tharwat مرة كنت راكبة ميكروباص و الدنيا زحمة ,, ف فى راجل كبير شاورله ,, فالميكروباص عافر لحد ماوصله على جنب و وقف ,,الراجل جه عند الشباك و قاله رايح ألف مسكن ,, السواق قاله : آه ,, قاله تروح بالسلامة ,, و سابنا و مشى Hayam Osama كنت في شهر العسل انا وجوزي وبعدين كنا طلعين نتغدي في الفندق كان في شرم الشيخ احنا الجست الوحيد المصري في الفندق كل الفنق اجانب وبعدين واحنا مشين اختلفنا علي التكيف كان ساقع وانا سقعت وهو لا الدنيا حر وهو بيهظر معايا زقني الارض زحلقتني وقعت علي السلم علي دقني هووووووووب واخدت درجات السلم علي وشي هو من كتر الضحك سبني ومشي والناس تتفرج وتضحك Gersy Nosa ماشيه في الشارع وبشوار لاخويا ماشي بعيد وبضحكله كنت باصه للجنب وفجأه لقتني اخده العمود الي في الشارع بالحضن كان شكلي تحفه بصراحه Hayam Osama مرة رحت القاهرة رحلة انا وعيلتي وبعدين كنا عايزين نركب الحصان ونتصور ولاد عمتي الراجل سعدهم وبنات عمتي كمان الراجل صاحب الحصان سعدهم قمت انا حبيت اعمل بقا فقيقة قولت للراجل لااااااااااا انا هطلع لوحدييييييييييييي وهووووووووووب وانا بركب نزلت علي ضهري من النحية التانية Aya Abdullatif كنت في المول مع اخويا وكان فيه محل فساتين يجنن ونفسي ادخل اشوفه .. اتحايلت على اخويا لحد ما دخلنا سوا .. سألت صاحب المحل على فستان فرح كان حلو اوي .. قعد يقولي سعره ويبهرني اكتر بالفستان لحد ما سأل اخويا انت العريس اخويا قاله آه وهوا بيغمزلي .. لما اخويا لقى الوضع كده قاله طب احنا حناخده بس الفرح لسه قدامه وقت .. حنعدي عليك تاني عشان تعملنا التعديلات اللي عايزاها العروسه وأول ما صاحب المحل بص على ايدينا يشوف الدبل قولتله اجرررري يا مجدي Hayam Osama ممتي بتخاف مووووووووت من الصراصير وانا طبعا زيها بترعب منها وفي يوم كنت انا وهي وقفين بنحضر العشا في المطبخ وراح ابو الشوارب داخل من شباك المطبخ اةةةةةةةةةةةةةةةةةةةةةةةةةة صوتنا انا وهي وهي طلعت تجري وللاسف قفلت باب المطبخ عليا وانا اصووووووت وبعدين بابا جة ضربو طبعا انا حبيت انتقم جبت حتت كيسة من كيس الزبالة ورحت رمياها علي ماما وهي وقفة علي البوتجاز ماما صرصااااااااااااااااااار وجريت وقفل الباب دخلت المطبخ لقتها بتعيط من كتر الخوف هههههههههههههههههههههههههههههههههه حببتي ماما دي Mahmoud Fouad مرة ماما بعتتني عشان اجيبلها جرجير .. فنزلت اجيب فبالصدفة واحد معدي وماشي بجرجير اخضر كدا بعربية ومورور وشكلو جميييييل ... فقمت رايح وقلتلو بكام الحزمة يا ريس قالي من غير فلوس يا باش مهندس قلتله ربنا يخليك قالي ب 50 قرش ..قلتله طب هاتلي 5 حزم ... ومروح البيت بقي وبصفر وفرحان .. وبقول لماما جبتلك الجرجير .. قالتلي ايه دا انت لحقت تروح السوق وجيت .. ولسه هشرحلها سمعت صويتة خفيفة كدا ... في ايييييييه .؟؟ ولقيت ماما بتقول " انت جايبلي ملوخية اعمل بيها ايه يا منيل؟؟؟ " .. اتصدمت هي دي ملوخية وحسيت انها بردت فجأة كدا وشقي عمري راح ... ولقيت نفسي باخود الملوخية وبجري ورا الراجل والحمد لله لحقته ورجعتهم .. كان يوووووووم لطيف ومن يومها وانا باكل فجل بس