"الزمان المصرى" تقدم لك اضحك من قلبك..قبل ما تموت بحسرتك!!

إلى حبي الوحيد
يوم الفالنتين واحدة دخلت محل كروت وسألته عندك كارت مكتوب عليه
"إلى حبي الوحيد "
قال لها آه فى منه
قالت له طاب هات لى
...........................
ماذا احضر لصديقتى يوم زفافها
قالت لزوجها : ماذا احضر لصديقتى يوم زفافها؟؟
فقال لها : هل تحبين ان تكون صديقتك الاجمل فى مثل هذا اليوم
فقالت : نعم
فقال : اذآ لاتحضري الحفل فانتى الاجمل فعلآ
فدمعت عيناها وقررت الاتحضر الحفل
ونجحت خطة الزوج و وفر تمن الفستان والهدية
.....................................
هحط الغسيل فى التلاجة
واحدة بتكلم خطيبها فى التليفون بتقول له :
تعرف النهاردة كنت هحط الغسيل فى التلاجة
ساعات بحس إنى هبلة
رد عليها وقال لها وأنا كمان برضه
قالت له إيه كنت هتحط الغسيل فى التلاجة
قال له لأ بحس إنك هبلة
....................................
.ياللا نبنى كوبرى
.ياللا نبنى كوبرى
الفرنسي: أنا هحط الأسمنت
الأسباني: أنا هحط الخشب
الأمريكي: أنا هحط الطوب
المصري: أنا هحط الحديد
بعد أسبوع الكوبري وقع
الفرنسي: يا خساره الأسمنت راح عالفاضي
الأسباني: يا خساره الخشب راح عالفاضي
الأمريكي: يا خساره الطوب راح عالفاضي
المصري: الحمد لله إني محطيتش الحديد، كان زمانه راح عالفاضي
.............................................
الرجالة دايمًا متسرعة
الرجالة دايمًا متسرعة
ده كان فى مرة راجل دخل البيت لقى راجل غريب
وكان حيموته
لولاإنه إتضح إن الراجل اللى لقاه ده
يبقى مراته بس من غير مكياج
...................................
بيفكر بس يتجوز على مراته
واحد بيفكر بس يتجوز على مراته
فقرر يعمل تجربة
جاب كتاب فوائد تعدد الوجات وحطهولها فى المطبخ
ونزل راح الشغل رجع لقاه زى ما هو فى مطرحة
وعليه ساطور
..............................
واحدة راجعة بيتهم متأخر
واحدة راجعة بيتهم متأخر
وهى مروحة بتعدى على مقابر
وبعدين وهى ماشية الدنيا إبتدت تضلم أوى
وبعدين ضلمت أكتر
وبعدين وهي ماشية لقت راجل ماشى قدامها
قدمت خطوتين ومسكت إيده
وقالت له وهى خايفة معلش أصل أنا بخاف من الضلمة قوى قوى
قال لها معلش ما أنا كمان كنت بخاف كده
قبل ما أموت
........................................
مكتب تأمين
واحد عمره 90 سنة راح مكتب للتأمين على حياته.
قال له الموظف: "أنت كبير وشايب ، ومانقدرش نأمّن عليك."
فقال له: "لييه ؟؟؟؟امبارح أبويا أمّن على حياته ومحدش قال له حاجة!"
تعجب الموظف قال له: "تعال بكره ، وهنشوفلك حلّ."
قال له: "بكرة مشغول ، عاوز أحضر زفاف جدي."
فتعجب الموظف أكثر وأكثر.
قال له: "جدّك لسه عايش ، وعاوز يتزوج؟؟؟"
قاله: "صراحة ، هو ما كانش عاوز ، بس أمّه وأبوه ضاغطين عليه"
...........................................
كيف تختار امرأة
سئل أحد الفلاسفة كيف تختار امرأة،قال:
* لا أريدها جميلة فيطمع فيها غيري، ولا قبيحة تشمئز منها نفسي
* لا طويلة فأرفع لها هامتي، ولا قصيرة فاطاطئ لها رأسي
* لا سمينة تسد علي منافذ النسيم، ولا هزيلة فأحسبها خيالي
* لا بيضاء مثل الشمع، ولا سوداء مثل الشبح
* لا جاهلة صعب أن تفهمني، ولا أكثر مني علم فتجادلني
الله يرحمه..... مات سينجل
..................................
لقد نسيت ان اضع الملح في الغداء
قالت له وهي مرتبكه وخائفه : لقد نسيت ان اضع الملح في الطعام..
فلاحظ ارتباكها وقلقها فضمها إليه وهمس : لا تقلقي ياحبيبتي فأنتي ملح حياتي ....
ثم أمسك برأسها .... و حطها في حله الملوخية