سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الأهرام المسائي يحصل علي تفاصيل أقوال أصغر شاهدة علي جريمة مذيع التليفزيون قاتل زوجته الطفلة يارا: عمو إيهاب كان بيضرب خالتو ماجدة وماما كانت تحاول تهدئته
أدلت أصغر شاهدة في جريمة مذيع التليفزيون قاتل زوجته الطفلة يارا أشرف ابنة شقيقة القتيلة والتي وجدت مع امها ليلة الحادث في شقة خالتها المجني عليها بأقوالها أمام النيابة حيث قالت الطفلة: عموا إيهاب كان بيضرب خالتو ماجدة وماما كانت تحاول تهدئته.. وطنط ماجدة القتيلة كانت بتزعق له وتقول له أنا اللي جايبا لك العربية والموتوسيكل.. واحنا بنعمل كوب ينسون لعمو إيهاب سمعنا صوت الرصاصة أسرعنا الي حجرة النوم ووجدنا طنط ماجدة علي الأرض بتزف دم من رأسها. وهذه تفاصيل أقوال الطفلة الشاهدة أمام النيابة. اسمي/ يارا أشرف أحمد محمد بكري السن9 سنواتتلميذة بالصف الثالث الابتدائي مدرسة السلام الابتدائية الكيت كات ومقيمة14 ش صلاح الدين ش السلام كيت كات إمبابة الجيزة. وسئلت علي سبيل الاستدلال ماعلاقتك بالمجني عليها/ ماجدة كمال كامل( أفهمناها)؟ هي خالتي. هل كنتي موجودة بالشقة محل الواقعة وقد حدوثها( أفهمناها) أيوه مامعلوماتك اذا بيشأن الواقعة محل التحقيق( أفهمناها) اللي حصل ان اناكنت موجودة انا وماماوشادي اخويا مع طنط ماجدة في الشقة وبعدين جه عمو/ إيهاب صلاح( وطنط) صح واحنا كنا موجودين في أوضة النوم وعمو إيهاب قعد في الصالة وطنط ماجدة طلعت له وبعدين دخلت أوضة النوم جابت بيجامه وطلعت تاني وأنا طلعت علشان أشوف شادي أخويا لانه كان قاعد علي الكمبيوتر في الصالة ولقيت عمو إيهاب بيغير هدومه وطنط ماجدة قالت لي خش جوه لغاية ما عمو إيهاب يغير هدومه فرحت داخلة أوضة النوم وصحيت ماما وقلت ليها عمو إيهاب جه ياماما وماما افتكرت انه جه في التليفزيون فقالت لي خلي طنط ماجدة تتفرج عليه فرحت أنا قلت ليها لاما هو برة قاعد في الصالة بيغير هدومه فراحت ماما قامت بسرعة لابسة جلابية من هدوم طنط ماجدة وخرجت للصالة وعمو إيهاب كان لبس وقعدنا معاه في الصالة وكان بيشرب سيجارة وبعدما خلص السيجارة دخل اوضة النوم وطنط ماجدة كانت ساعتها في أوضة النوم رحت أنا نايمة علي الكنبة الصغيرة اللي جنب قصاد التليفزيون وماما كانت نايمة علي الكنبة اللي جنب الباب قصاد الروف وشادي كان نايم علي الكرسي وبعد دقيقة ونص كده لقينا طنط ماجدة خارجة وعمو ايهاب كان بيضرب فيها بإيديه وأنا ساعتها طلعت في الطرقة ومعي فعدت علي الكنبة وبعدين ماما خدت عمو ايهاب ودخلوا هما الثلاثة أوضة النوم وبعد شوية سمعت طنط ماجدة كانت بتزعق وتقول أنا اللي جايبه لك البدل والعربية والموتوسيكل وسمعت ماما بتقول ليها معلهش استني شوية ماتزعقيش قوي كده وبعدين ماما خرجت ودخلت ثاني بسرعة وبعد شوية خرجت وهي خارجة كانت بتقول لعمو ايهاب أنا هعمل لك احسن كوباية ينسون, وماما راحت المطبخ وأنا رحت معاها وجابت الينسون وجابت الكوباية وجابت كيسين سكر فتحتهم حطتهم في الكوباية وبعدين سمعنا صوت فرقعة بتاعة مسدس وأنا وماما جرينا نشوف طنط ماجدة لقيناها مرمية علي الأرض بين أوضة النوم والأوضة اللي جنبها وراسها عمال تجيب دم وعمو ايهاب كان قاعد جنبها بيقول ضيعتي مستقبلي وبيلطم علي وشه وعمال يعيط وأنا قعدت أعيط وماما شدتني وطلعنا علي الروف وكلمت خالو حمدي وقالت له إيهاب قتل ماجدة وتعالي بسرعة وبعدين جينا من الروف قعدنا علي السلم جنب باب الشرقة ومفيش دقيقة ولا دقيقتين عمو ايهاب خرج لينا وكان لابس لبس خروج وشد الكرسي وقعد جنب الثلاجة الكبيرة وكلم بتوع الشغل وقال لهم أنا موت ماجدة وماينفعش آجي الشغل وبعدها خلص المكالمة بتاعة الشغل اتصل بواحد قاله يامجدي أنا موت ماجدة وبعدين قال له ماهو أختها وبنت أختها قاعدين معايا وبعدين عمو مجدي قال له حاجة وعمو ايهاب رد عليه وقال له ما هو حضروا من الأول خالص وبعدين عمو ايهاب دخل الحمام وراحت ماما متصلة ببابا أو بخالو حمدي وقالت له أنتو اتأخرتوا ليه وماما نزلت فتحت ليهم باب البيت وهما طلعوا وبابا خلاني أنام مع شادي علي الكنبة وبعد شوية فيه واحدنده وماما نزلت فتحت له الباب وكان معاه واحد بوليس وجم قبضوا علي عمو ايهاب. متي واين حدث ذلك أفهمناها؟ الكلام ده كان في شقة طنط ماجدة اللي في الهرم شارع أبوالهول أول امبارح بالليل س: من كان لرفقتك آنذاك أفهمناها ج: كان معايا ماما وطنط ماجدة وأخويا شادي بس كان نايم وما سببوجودك مع والدتك بالمكان والزمان سالفي الذكر أفهمناها طنط ماجدة اتصلت بينا وقالت لينا تعالوا علشان عمو ايهاب مش هيبات معاها النهارده. *س: م الحالة التي كنتم عليها حال حضور المتهم أفهمناها ج: كنت أنا وماما وطنط ماجدة في أوضة النوم وماما اللي كانت نايمة بس وشادي كان قاعد في الصالة بيلعب علي الكمبيوتر س: كيف وقفتي علي صحيت المتهم أفهمناها هو طنط ماجدة طلعت في الصالة وبعدين دخلت جابت بيجامة وطلعت تاني وبعدما خرجت رحت خرجت وراها اشوف شادي أخويا ولقيت عم ايهاب بيقلع هدومه وطنط ماجدة قالت لي خشي جوه لغاية لما عمو ايهاب يغير هدومه وأنا دخلت عدن ماما وطلعنا قعدنا مع عمر ايهاب في الصالة. س: ما الحالة التي كان عليها المتهم آنذاك أفهمناها ج: كان قاعد علي الكنبة اللي قصاد التليفزيون وكان بيشرب سيجارة. س: صفي لنا السيجارة التي كان يتناولها المتهم أفهمناها ج: هي كانت تخينة من قدام شوية س: اين كانت توجد المجني عليها آنذاك أفهمناها هي كانت جوه في الأوضة وبعدين عمو ايهاب دخل ليها واحنا نمنا علي الكنب متي خرج المتهم والمجني عليها من حجرة النوم عقب ذلك أفهمناها هي خرجوا بعد شوية س: ما الحالة التي كانا عليها آنذاك أفهمناها ج: كان عمو ايهاب عمال يضرب فيها بايديه س: وإلي اين توجهتي عقب ذلك أفهمناها ج: أنا ماما طلعتني بره وقعدت علي الكنبة اللي جنب الثلاجة س: ما الذي انتهي إليه ذلك الشجار أفهمناها ج: كلهم دخلوا أوضة النوم س: ما الحوار الذي دار بينهم داخل تلك الحجرة أفهمناها ج: طنط ماجد كانت بتزعق وتقول له أنا جايبة لك البدل والعربية والموتوسيكل س: وما المدة لاتي مكثها سلفوا الذكر بتكل الحجرة أفهمناها ج: هما قعدوا شوية كتار وماما خرجت وبعدين دخلت تاني وهي خارجة تاني كانت بتقول له أنا هعمل لك احسن كوباية ينسون س: وأين كان يوجد كل منكم في تلك للحظة أفهمناها ج: طنط ماجدة وعمو ايهاب كانوا في أوضة النوم وشادي برة كان نايم علي الكنبة اللي جنب الثلاجة لأني رحت جبته من علي الكرسي لما ماما خرجت أول مرة ونيمته علي الكنبة وبعدين رحت مع ماما علي المطبخ. هي شاهدت المتهم حال قيامه بإطلاق النيران علي المجني عليها افهمناها لا لا احنا كنا في المطبخ وهما كانوا في أوضة النوم لوحدهم وكيف وقفتي علي قيامه باطلاق النار أفهمناها احنا وماما في المطبخ سمعنا صوت المسدس وزنا وماما جرينا علي طنطا ماجدة ما الحالة التي شاهدت عليها المجني عليها انذاك أفهمناها هي طنط ماجدة كانت مرمية علي الأرض علي ظهرها عند الحتة اللي بين أوضة النوم والأوضة اللي جنبها ورجليها ناحية السرير ورأسها ناحية الأوضة الثانية وكان فيه دم نازل من رأسها. س: هل كانت المجني عليها مازالت علي قيد الحياة آنذاك( افهمناها) ج: لا هي كانت ميتة وكيف وقفتي علي ذلك( أفهمناها) لآن هي ماكانتش بتتكلم ولابتتحرك س: ما الحالة التي كان عليها المتهم آنذاك( أفهمناها) ج: كان قاعد جنبها عمال يعيط ويلطم ويقول ضيعتي مستقبلي س: واين كان السلاح الناري في تلك اللحظة( أفهمناها) ج: مشفتوش س: هل كان يوجد ثمة أحد برفقة المتهم والمجني عليها بحجرة النوم حال اطلاق العيار الناري( أفهمناها) لا كانوا هما الاثنين بس س: هل لديك اقوال اخري الاتمت اقوالها واقفل المحضر عقب اثبات ماتقدم.
