فى تحقيقات النيابة بقضية تبادل الزوجات بمدينة نصر.. المتهم صور زوجته بملابس مثيرة وأرسلها لراغب متعة عبر "واتس آب".. والشاهد: "مراته قالتلى أنا محتاجالك لأن جوزى مبيريحنيش".. وأبلغت الشرطة عن الميعاد

يستكمل "اليوم السابع" انفراده بنشر نص تحقيقات النيابة العامة فى قضية تبادل الزوجات المتهم فيها محام وزوجته بتكوين شبكة لممارسة الجنس بالتبادل مع المتزوجين، حيث يبدأ المحقق أيمن المنشاوى وكيل أول النيابة بفتح محضر آخر، حيث عرض علينا المحضر رقم 3892 لسنة 2015 بمعرفة العقيد شريف إلهامى والذى أثبت أنه من خلال متابعة شبكة المعلومات بالإنترنت ومتابعة صفحات تبادل الزوجات التى تعد أحد الأساليب الإجرامية لممارسة الدعارة تبين وجود علاقة صداقة على الفيس بوك بين طرفين الأول "سيرجى سيرجى" والثانى "أحمد وشيماء تبادل زوجات" .
ومن خلال التحريات أمكن التوصل إلى شخصيات الطرف الأول "زكريا.ا" و"مريم.ا"، وأفادوا بوجود علاقة صداقة بينهما وأنهما بدافع الفضول تفاعلا مع صفحة "أحمد وشيماء"، وتم استكشاف ما هو غريب وأنه باستطلاع الأمر تم التوصل مع الطرف الثانى عبر "الفيس بوك" ودار بينهما العديد من المحادثات الهاتفية، وعن طريق الواتس آب، تبين من ذلك أن الطرف الثانى، وهما "خالد م" محامى حر وزوجته "نشوى.ا" اعتادا ارتكاب الدعارة فى صورة تبادل الزوجات وأن الطرف الثانى أبدى رغبته فى التقابل معهما لارتكاب الجريمة، وأنه قد حدد لذلك اللقاء أحد الأماكن العامة بشارع عباس العقاد، وقد قرر الطرف الأول أن المحادثات الهاتفية تمت عن طريق هاتفه المحمول، وبعرض تلك المحادثات المدونة على برنامج الشات الواتس آب، تبين اعتياد العنصر الثانى على ممارسة الجريمة محل الأوراق.
وأشارت التحريات إلى وجود لقاءات مباشرة بين الطرفين محل الواقعة فى الأماكن العامة، وقد تم استئذان رئيس نيابة مدينة نصر بتصوير وتسجيل اللقاءات التى مع الطرف الثانى.
ويستكمل المحقق أيمن المنشاوى وكيل أول نيابة مدينة نصر بإشراف المستشار أحمد شورب رئيس النيابة محضر التحقيق تبين لنا تواجد المدعو "زكريا.م" موظف 38 سنة خارج غرفة التحقيق وشرعنا فى سؤاله بالآتى:
حلف اليمين
س:ما معلوماتك بشأن الواقعة محل التحقيق؟
ج:أنه حوالى 5 يناير كنت بتحدث مع صديقة على أنه يوجد صفحات على الفيس بوك تدعو لتبادل الزوجات وكان عندى فضول أن أقوم بإنشاء صفحة وهمية لمعرفة تلك الصفحات وعملت صفحة وهمية باسم "سيرجى سيرجى" وقمت بمحادثة حساب يدعى "أحمد وشيماء" وبعتلى رقم تليفونه وبدأنا نتكلم مع بعض ونتفق على تبادل الزوجات ونعرف زوجاتنا لبعض وأنا أتعرف بمراته وهو يتعرف بمراتى من خلال الواتس آب واتفقنا أنى أتكلم معاه على التليفون وعرفته على صديقتى جينا وهو عرفنى على مراته نشوى وبعتلى صور مراته وهى لابسة ملابس وفى أوضاع مثيرة هو اللى صورها لمراته وبعد كدة اتفقت أنا وجينا صديقتى أبعد عن الموضوع بعد ماحسيت أنه دخل فى الجد، وبعد كده لقينا واحد اسمه العقيد شريف وقاللى أنه شاف الصفحة وأنا قلتله إنه ده كان بدافع الفضول وأنا سبت الموضوع ده وطلب مننا أكمل الموضوع علشان نمسكهم متلبسين وبعدين اتفقنا وروحنا مجمع التحرير أنا وصديقتى وقابلنا مهندسين ولابسونى قميص فى كاميرا ولاعة وجهاز تسجيل واتفقنا معاهم نتقابل عند مول وقعدنا بعد كدة على كافيه وفتحت الحديث مع "خالد" وقاللى فى بداية الكلام أنى أقعد مع نشوى ومراته وهو يقعد مع جينا وقعدت مع مراته وقعدت تقولى "الموضوع ده حل مشاكل مع جوزى علشان هو عنده مشاكل وده كان فى الكافيه وكانت جينا بتتكلم مع خالد وبعد كده لقيتهم مشيوا ومراته نشوة قالتلى كلام إعجاب بيه وبعد كده اتقبلنا مع العقيد شريف وأخد مننا التسجيلات".
وكنت بتكلم مع نشوى على الواتس آب على الاتفاق فى ممارسة الجنس معها وبعدين روحنا عندهم البيت وقعدنا حوالى نص ساعة واتحركنا من البيت ونزلنا روحنا وسط البلد وكان الكلام على تبادل الزوجات واتفقنا على الوقت والمكان على التبادل وأنا كنت لابس بدلة سوداء وجينا عباية سودا وخالد كان لابس جاكت ونشوى كانت لابسة ترنج وبعد كده اتفقنا إن كل واحد يقعد مع بعض فى أوضة وعلى الساعة 6 نكون مخلصين وجينا دخلت الأوضة وأنا ونشوى دخلنا أوضة تانية بعد ما لبست قميص أزرق وبعد كده دخلت وقلعت القميص وبعد كده سمعت صوت برة والباب اتفتح ودخلوا علينا ومسكونا.
س:ما الذى جعلك تقوم بإنشاء حساب على موقع التواصل الاجتماعى والحديث مع حسابات خاصة بتبادل الزوجات؟
ج:هو فضول ولاستطلاع حسابات تبادل الزوجات على شبكة التواصل الاجتماعى.
س:متى قمت بإنشاء الحساب؟
ج:أنا عملته من فترة ولكن مستخدمتهوش إلا من أسبوعين.
س:وما اسم الحساب؟
ج:سيرجى سيرجى
س:وهل عثرت على ثمة حساب تحت هذا الموضوع؟
ج:ايوة
س:وما هى الحسابات التى عثرت عليها؟
ج:لقيت عدة حسابات باسم خالد ومنار وأحمد وشيماء
س:وهل قمت بالتواصل معهم؟
ج:ايوة تواصلت معهم
س:وأى منهم تواصل معك؟
ج:هو خالد ومنار وأحمد وشيماء نفس الشخص
س:ومن الذى قمت بالتواصل معه؟
ج:خالد
س:وما طبيعة تلك المحادثات؟
ج:خالد كان عايز يتعرف عليا قلتله أنا اسمى حازم وتواصل معايا على الواتس آب
س:وما طبيعة تلك المحادثات التى دارت بينكم؟
ج:هى كانت محادثات على تبادل الزوجات وهو ادانى رقم مراته نشوى وخد منى رقم جينا
س:ومن هى المدعوة جينا؟
ج:هى صديقة تدعى مريم وطلب منها نتواصل مع خالد ونشوى عشان نشوف أخرة الموضوع ايه
س:وما الذى حدث بعد ذلك؟
ج:خالد كان ماسك كل حاجة وبعتلى صور نشوى فى أوضاع مثيرة
س:وهل قمت بمحادثة المدعوة نشوى؟
ج:اتكلمنا مع بعض على الواتس آب والتليفون
س:وما هى طبيعتها؟
ج:هى أحاديث جنسية وبعتتلى صور ليها وهى بملابس مثيرة
س:هل تم الاتفاق بينكما على المقابلة؟
ج:ايوه
س:وهل دار حوار بينكما؟
ج:ايوه وسجلنا الحوار وصورناه
س:وما الذى دار بينك وبين المدعوة نشوى؟
ج: اتكلمنا فى موضوع تبادل الزوجات وحديث عن إعجاب وعن مشاكل بين خالد وزوجته نشوى وقالتلى مش قادرة أبعد عنك وأنا عايزة اللقاء يتم بسرعة علشان هى محتاجة اللقاء ده بسرعة وأثناء الحديث قالتلى خالد جوزى مبيريحهاش فى العلاقة الجنسية علشان كده باحتاج لراجل تانى وأنا بادلتها الحديث
س:وهل قمت بالاتفاق فى ذلك الحوار على ميعاد المقابلة؟
ج:اتفقنا أنها تكون يوم الأربعاء
س:وأين تم تحديد مكان اللقاء؟
ج:فى شقة المدعو خالد وزوجته
س:وهل قمت بإبلاغ الشرطة عن ذلك الميعاد؟
ج:بلغت العقيد شريف
س: وما طبيعة الاتفاق الذى دار بينكم خارج الغرفة تحديدا عقب دخولك الشقة؟
ج:هو الاتفاق كان على انى أمارس الجنس مع نشوى وخالد يمارس الجنس مع جينا.
س:وما التصرف الذى بدر منكم عقب دخولكما الغرفة؟
ج:هى قلعت القميص ومكانتش لابسة غير الاندر وقعدنا نبوس ونحضن بعض
س:وما الذى حدث بعد ذلك؟
ج:لقينا الشرطة فتحت باب الغرفة ومسكت كل اللى فى الشقة
ملحوظة:
قمنا بفض حرز السيديهات المسجلة باستئذان السيد المستشار محمد البغدادى رئيس محكمة مدينة نصر، وتبين أن بداخلها صور للقاءات بين الطرفين وتسجيلات هاتفية مع المدعوة نشوى تفيد بتبادل الزوجات.
يذكر أن محكمة جنح مدينة نصر برئاسة المستشار سامر ذو الفقار قضت الثلاثاء الماضى، بحبس المتهمين 15 سنة مع الشغل والنفاذ ومراقبتهم مدة مماثلة.
أخبار متعلقة..
انفراد.. نص التحقيقات فى قضية تبادل الزوجات.. نشوى: جوزى أخد "جينا" فى أوضة وجوزها أخدنى فى أوضة وحضن وباس وقلعنى هدومى وفجأة البوليس طب علينا.. أنا وافقت على الجريمة دى عشان أحافظ على البيت