حمزة نمرة: "مستمر فى تقديم الفن اللى أنا بحبه وأشوفكم الحفلة الجاية"

وجه الفنان حمزة نمرة، الشكر لكل من سانده بعد أزمته الأخيرة وقرار شطب اسمه من سجلات نقابة المهن الموسيقية، قائلاً: "أنا باشكر كل حد وقف جنبى فى اللى حصل ده.. مافيش حاجة هتقدر تعبر عن حبى ليكم يا جدعان.. أنا ربنا كرمنى بيكم ويارب دايماً أفضل عند حسن ظنكم".
وقال حمزة نمرة، عبر تغريدة له على موقع التواصل الاجتماعى "تويتر": "أنا مستمر فى تقديم الفن اللى أنا بحبه.. ومستمر فى تقديم الحفلات.. وأشوفكم الحفلة الجاية والله أعلم".
وأضاف حمزة: "وكل واحد رغم اختلافه معايا ما منعوش الاختلاف إنه ينصفنى.. أنتم على رأسى من فوق والله".
كما قدم "نمرة" الشكر للفنان مصطفى كامل، نقيب الموسيقيين، لتوضيح موقف النقابة قائلاً: "وأشكر مصطفى كامل لتوضيحه موقف النقابة، وده أفضل رد على الكلام العجيب اللى اتقال عنى الأيام اللى فاتت، اللى مالوش أى أساس من الصحة".
واستطرد: "وربنا يعلم أنا عمرى ما غلطت فى حق حد ولا أسأت لحد.. حتى لو حد ظلمنى.. باسكت وما بادخلش فى أى سجالات أو معارك لأن دى طبيعتى"، مضيفاً: "اللى هيبقى للإنسان هو السمعة الحسنة.. ربنا يكتبها لنا جميعا".