إمتى يعود من تانى؟

كان يجرى إيه لو صفا
ويقول لقلبى ليه جفا
كان بالحنان يرعانى
إمتى يعود من تانى
***
دا كان هنايا معاه
معرفش إيه نسَّاه
مين يا ترى أسَّاه
يشقينى ظلم أساه
يا قلبى آه وآه
كان بالحنان يرعانى
إمتى يعود من تانى
***
وإن فُتْ يوم ع الباب
هتبص لك الأعتاب
نظرة أمل وعتاب
بتقول هنا أحباب
ومحبة وقلب وروح
قلبى العليل مجروح
فاته حبيب الروح
أمانه يا محبوب
لتزور جريح الهوى
ترد فيه الروح
***
دا كان هنايا معاه
معرفش إيه نسَّاه
مين يا ترى أسَّاه
يسقينى ظلم أساه
يا قلبى آه وآه
كان بالحنان يرعانى
إمتى يعود من تانى؟
***
وإن فت ع الشباك
تلقانى بستناك
تايهة ف بحر هواك
مين يا ترى ويَّاك؟
والعطر منى يفوح
أصله أريج الروح
بيعيدلى همس البوح
أمانة يامحبوب
لتزور جريح الهوى
مرَّة وبعدين رُوح
***
دا كان هنايا معاه
معرفشى مين أسَّاه
مين يا ترى ويَّاه؟
يكفينى ظلم أساه
يا قلبى آه وآه
كان بالحنان يرعانى
إمتى تعود من تانى؟