إبداع

شعراؤنا شموس فى سماء الإبداع ينيرون لنا ببصيرتهم وبصرهم طريقنا ويخبرونا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع للاحتفال بالشاعر المصرى الراحل احمد رامى (1892 - 5 يونيه 1981) : وهو من أصل شركسى ولد فى حى السيدة زينب، درس فى مدرسة المعلمين وتخرج منها عام 1914 سافر الى باريس فى بعثة من اجل تعلم نظم الوثائق والمكتبات واللغات الشرقية وحصل على شهادة فى المكتبات والوثائق من جامعة السوربون، تنقل بين عدة وظائف بعد عودته من فرنسا فعين أمين مكتبة دار الكتب المصرية وعين مستشارا للإذاعة المصرية، وعمل فى الاذاعة ثلاث سنوات ثم عين نائبا لرئيس دار الكتب المصرية.يصاحب القصائد لوحات للفنان الأسبانى العالمى دييغو فيلاسكيز (5 يونيو 1599 - 6 أغسطس 1660)، يعتبر واحدا من أعظم ممثلى الرسم الإسبانى فى العالم، عين رساماً فى القصر عندما كان فى سن 23 من عمره ، ورسم بعض التحف الرائعة فى عصره، تميزت أعماله بالواقعية.
غنى الربيع
غنى الربيع بلسان الطير رد النسيم بين الاغصان
والفجر قال ياصباح الخير يا صحبه الورد النعسان
فرح بروحه الكون نادى وغنى
وكل لحن بلون معنى ومغنى
وانت ياغايب عن الحبايب ساكت عن القلب الحيران
كلمنى، وهو اللى فات يتنسى والفكر عايش فيه
طمنى، ان كان فؤادك قسى صابر وراضى بيه
الميه فى الارض جفت والزهر ع الغصن نادى
والشمس فى الغرب راحت وادى الشفق لسه بادى
والطير سكت بعد ماغنى وادى صداه رايح غادى
وانت يانور العين صوتك ياروحى فين
ياللى انت غايب عن الحبايب ماتكلم القلب الحيران
فضلت عايش فى الاوهام لما اللى فات شفته تانى
ولما فقت من الاحلام زاد فى بعادك حرمانى
راح اللى راح من الليالى والوهم راح من خيالى
وانت ياغايب عن الحبايب ساكت عن القلب الحيران
عودت عينى
عودت عينى على رؤياك وقلبى سلم لك أمري
أشوف هنا عينى فى نظرتك لي
والقى نعيم قلبى يوم ما التقيك جنبي
وان مر يوم من غير رؤياك
ما ينحسبش من عمري
قربك نعيم الروح والعين ونظرتك سحر والهام
وبسمتك فرحة قلبين عايشين على الأمل البسام
ان غبت يوم عنى أفضل انا وظني
يقربك منى ويبعدك عني
واحتار فى أمرى معاه ومعاك
وان مر يوم من غير رؤياك مينحسبش من عمري
لو كنت خدت على بعادك كنت أقدر اصبر واستنى
واسهر على ضى ميعادك لما الزمان يجمع بينا
أبات على نجواك واصبح على ذكراك
واسرح وفكرى معاك لكن غالبنى الشوق فى هواك
وإن مر يوم من غير رؤياك ما ينحسبش من عمري
زرعت فى ظل ودادى غصن الأمل وانت رويته
وكل شئ فى الدنيا دى وافق هواه انا حبيته
ومهما شفت جمال وزار خيالى خيال
انت اللى شاغل البال وانت اللى قلبى روحى معاك
وإن مر يوم من غير رؤياك ما ينحسبش من عمري
ويوم ما تسعدنى بقربك الاقى كل الناس احباب
ويفيض على نور حبك اقول مفيش فى الحب عذاب
الحب كله نعيم لا فيه عذول بيلوم
ولا فيه حبيب محروم
يا ريت يدوم للقلب صفاك واقضى طول العمر معاك
ده ان مر يوم من غير رؤياك ما ينحسبش من عمري
على بلد المحبوب
على بلد المحبوب ودبني
زاد وجدى والبعد كاويني
ياحبيبى انا قلبى معاك
طول ليلى سهران وياك
تتمنى عينى رؤياك
أشكى لك وأنت تواسينى
يا هنايا لما افرح بيك
واتهنى بقربك وانعيك
وعنيه تبقى فى عنيك
احكيلك وانته تراعيني
يامسافر على بحر النيل
أنا ليه فى مصر خليل
من حبه مابنام الليل
على بلد المحبوب ودينى
افرح يا قلبى
افرح يا قلبى لك نصيب
تبلغ مناك ويا الحبيب
افرح يا قلبي
يا فرحه القلب الحزين
لو صادف الخل الامين
بعد التمنى والحنين يبلغ مناه ويا الحبيب
افرح يا قلبي
الفكر كان تايه شريد
والقلب كان هايم وحيد
واللى انكتب له يكون سعيد يبلغ مناه ويا الحبيب
افرح يا قلبي
غنى له الحان الغرام
واحكى له اسباب الهيام
وافرح يا قلبى بالمرام وابلغ مناك ويا الحبيب
افرح يا قلبي
اقطف معاه زهر الحياه
مدام هواك وافق هواه
اخلص اليه واطلب رضاه وابلغ مناك ويا الحبيب
افرح يا قلبي
حيرت قلبى معاك
حيرت قلبى معاك وانا بدارى واخبى
قلى اعمل ايه وياك والا اعمل ايه وايا قلبى
بدى اشكيلك من نار حبى
بدى احكيلك عا اللى فى قلبى
واقول لك عاللى سهرنى واقول لك عاللى بكانى
واصور لك ضنى روحى وعزة نفسى مانعاني
يا قاسى بص فى عنيا وشوف ايه انكتب فيها
دى نظرة شوق وحنيه ودى دمعه بداريها
وده خيال بين الاجفان فضل معايا الليل كله
سهرنى بين فكر واشجان وفات لى جوه العين ظله
وبين شوقى وحرمانى وحيرتى ويا كتماني
بدى اشكيلك من نار حبى
بدى احكيلك عا اللى فى قلبى
واقول لك عاللى سهرنى واقول لك عاللى بكاني
واصور لك ضنى روحى وعزة نفسى مانعاني
غلبت أصالح فى روحى
غلبت اصالح فى روحى عشان ماترضى عليك
من بعد سهدى ونوحى ولوعتى بين ايديك
صعبان على اللى قاسيته فى الحب من طول الهجران
مااعرفش ايه اللى جنيته من بعد مارضيت بالحرمان
فضلت اقول الزمان غير على البعد حالك
والا الرضا بالهوان كتر على دلالك
وانا اللى اخلصت ف ودى وفضلت طول العمر امين
ياخد الزمان من ويدى وقلبك انت على ضنين
كنت اشتكى لك ايامى واشكى لمين ظلمك لى
وكان رضاك نور احلامى لما الزمان يقسى على
صبحت اشكى منك لروحى وفضلت اخبى عنك جروحى
وبعدت عنك والفكر كان دايما ويالك
والقلب منك غضبان فى دنيا الحب معاك
مجروح وضامم جناحه على الجراح اللى فيه
اليل يردد نواحه طول ما اليفه مجافيه
لما الزمان اللى غدر به بعدك وكنت نديم شكواه
رماك وجه السهم فى قلبه عطف عليك والجد ضناه
حتى الزمان اللى كان عطفك يا عينى عليه
خلانى ارضى الهوان واسلم الروح اليه
واسال عنك والقلب كان غضبان منك
واحمل همك وانا اللى طول بعدى ماهمك
وابات اصالح فى روحى عشان ماترضى عليك
وانسى سهادى ونوحى ولوعتى بين ايديك
يا مسهرنى
ماخطرتش على بالك يوم تسال عنى
وعنيا مجافيها النوم .. النوم يا مسهرنى
انا قلبى بيسالنى .. ايه غير احواله
ويقولى بقا يعنى .. يعنى ماخطرتش على باله
امال غلاوه حبك فين .. وفين حنان قلبه عليا
وفين حلاوه قربك فين .. فين الوداد والحنيه
يا نسينى وانت على بالى
وخيالك ما يفارق عينى
ريحنى واعطف على حالى
وارحمنى من كتر ظنونى
لا عنيا بيهواها النوم
ولا بخطر على بالك يوم
تسال عنى ..
يااااااااااا يا مسهرنى
اسال عن اللى يقضى الليل
بين الامل وبين الذكرى
يصبر القلب المشغول ويقوله نتقابل بكرا
وبكرا يفوت وبعده يفوت
ولا كلمه ولا مرسال
وهو العمر فيه كم يوم
وانا بعدك على طال
يا مسهر النوم بعنيا
سهرت افكارى وياك
الصبر ده دا مش باديا
والشوق واخدنى فى بحر هواك هواك
اقل لروحى انا ذنبى ايه
يقولى قلبى حلمك عليه
مصيره بكرا يعطف علينا
ونبقى نعرف هجرنا ليه .. ليه ليه هجرنا ليه
هجرنا ليه .. هجرنا ليه .. هجرنا ليه
تعال خلى نسيم الليل على جناح الشوق يسري
الهجر طال والصبر قليل والعمر ايامه بتجري
طالت الايام تعال لى قوام انا عندى كلام بدى اقوله لك
انا عندى عندى كلام وفقلبى هيام اوصفهولك
ونعيش ايام ولا فى الاحلام
بعد الحبيب
لا تطل بالله بعدك
ليس يحلو العيش بعدك
هل يذوق النوم جفنى
هل يذوق النوم جفني
لو اطال الليل سهدك
لا لا لا لا
انجز الوعد فأنى منجز فى الحب وعدك
واحتفظ بالود انى حافظ عمرى اودك
لو قضيت العمر سعيا
لا ارى فى الحسن ندك
او رأيت الغصن يغفو
لا ارى فى الغصن قدك
لو رايت الروض غضا
لا ارى فى الورد خدك
كل حسن او جمال يستبين فهو عندك
رق الحبيب
رق الحبيب وواعدنى يوم
وكان له مدة غايب عني
حرمت عينى الليل م النوم
لاجل النهار ما ييجى يطمني
صعب عليّا انام
احسن اشوف فى المنام
غير اللى يتمناه قلبى
سهرت استناه
واسمع كلامى معاه
واشوف خياله قاعد جنبي
من كتر شوقى سبقت عمرى
وشفت بكرة والوقت بدري
وايه يفيد الزمن
مع اللى عاش فى الخيال
واللى فى قلبه سكن
انعم عليه بالوصال
طلع عليّا النهار
سهران فى نورالامل
وغنت الاطيار
لحن الهوى والغزل
وفضلت أفكر فى معادي
واحسب لقربه الف حساب
وكان كلامى مع صحابي
عن المحبة والاحباب
من فرحتى بدى اتكلم
واقول حبيبى مواعدني
لكن أخاف لا يكون بينهم
مظلوم فى حبه ويحسدني
هجرت كل خليل ليّا
وفضلت عايش مع روحي
أحسن يبان شيء فى عينيّا
من كتر خوفى على روحي
ولما قرب معاد حبيبي
ورحت أقابله
هنيت فؤادى على نصيبي
من قرب وصله
ولقيتنى طايل من الدنيا كل اللى اهواه
بس الى كان فاضل ليّا أسعد بلقاه
لما خطر ده على فكرى حير امري
والقرب سبب تعذيبي
ولقيتنى خايف على عمرى لا يروح مني
من غير ما شوف حسن حبيبي