بالفيديو.. موظف يقتل ابنه رميا بالرصاص بسبب سوء سلوكه فى سوهاج

"والله ما كان قصدى أنى أموته وأخلص عليه، ده ابنى وكل أب بيحب أنه يشوف ابنه أحسن منه، وفى وضع كويس، لكن هو كان ناوى على الغدر علشان يستولى على الأرض والبيت ويبيع ويشترى ويصرف الفلوس على شهواته، بعد ما خدنى بالقوة على الموتوسيكل، ومعاه فرد نارى ها يخلص على بيه، ولما وقع منه أنا أخدته خلصت عليه، وطلبت الإسعاف علشان يلحقوه قبل ما يموت"، بهذه الكلمات اعترف "أحمد.م.أ.م" 51 عاما موظف، أمام النقيب أحمد طلعت رئيس مباحث مركز شرطة سوهاج بالإنابة، عقب العثور على جثة نجله ملقاة بالطريق العام بقرية أدفا دائرة المركز.
وترجع أحداث الواقعة، عقب تلقى اللواء إبراهيم صابر مساعد الوزير مدير أمن سوهاج، بلاغا من مركز سوهاج يفيد العثور على جثة شاب فى منتصف العقد الثالث من العمر بالطريق الفرعى، لقرية "أدفا - سوهاج" بها طلقات نارية بالرأس والصدر.
وانتقل إلى مكان الواقعة العميد حسين حامد، مدير إدارة المباحث الجنائية، والعميد محمد توفيق رئيس مباحث المديرية، والمقدم وائل التونى مفتش مباحث المركز، وتبين من التحريات التى قادها الرائد أحمد طلعت رئيس مباحث مركز سوهاج بالإنابة، والنقيبان أحمد تعيلب ومحمد العسال معاونى مباحث المركز، بأن الجثة تخص "محمد.أ.م.أ" 26 عاما حاصل على دبلوم ثانوى صناعى، ويقيم بذات الناحية.
وبمناظرة جثة الشاب تبين إصابتها بطلقين ناريين، وتبين أن وراء ارتكاب الواقعة "أحمد.م.أ.م" 51 عاما موظف يقيم بذات الناحية "والد المجنى عليه".
وضبط والد المجنى عليه والمتهم بقتله، وبمواجهته اعترف بارتكاب الواقعة وعلل ذلك بسبب سوء سلوك نجله، واعتياده ارتكاب جرائم السرقات ما ألحق به أضرارا نفسية وأدبية، وقال "ابنى كان بيعمل كل شىء غلط فى الدنيا، وأحنا من عائلة محترمة وبها مناصب لكن ابنى محترمش كل ده، فى البداية كان بيشترى من المحلات وما يدفعش والناس تيجى تطلب الفلوس وأحنا ندفع، وبعد كدا اشتغل فى مرافقة الستات والبنات المشبوهات، ووصل فجره أنه جاب وحدة منهم البيت، وطلعنا برة أنا ومراته وأولاده وأمه، وبعد كدا لما حاولنا نمنعه تعدى علينا بالضرب وكسر دراع أمه، وتعدى على بالسكين فى دراعى، بعد كدا غير المكان اللى كان بيجيب فيه الساقطات، واستخدم ماكينة الرى فى ممارسة الرزيلة، وأولاده عمه مسكوه ونهروه راح مغير المكان تانى، ولكن المرة الثالثة كانت بطريقة فى انتهاك لحرمات الموتى كان بيجيب الساقطات وياخدهم فى المقابر دون النظر لحرمتهم".
وأوضح الوالد "يوم الحادثة المشئوم جه قالى أنا عايز 10 آلاف جنيه علشان أتجوز، فكان ردى أنا مش معايا، قال الفيزا فيها رديت عليه أن الفيزا مفهاش غير 4000 جنيه، قال وماله نروح ونجيبهم وبكره تتصل بزملائك وتستلف منهم، وأخدنى بالقوة على الموتوسيكل، وأنا فى الطريق شعرت أن فيه نية للغدر حاولت أنزل وقاومت، وبعدها سقطنا على الأرض وفى لحظة لقيت فرد على الأرض وبجواره شنطة بلاستيك أخدتهم، ولقيت الزناد مرفوع ساعتها عرفت أنه كان ناوى يخلص على، ضربت أول طلقة متحركش رحت كاسر الفرد وحطيت فيه طلقة من الطلقات اللى بالكيس، وضربته بطلقة فى وسطه راح سقط على الأرض، وبعد كدا جريت عليه وصرخت على أخوه هات إسعاف بسرعة أخوه خد الموتوسيكل والإسعاف مرضتش تيجى معاه ومات".
وتحرر المحضر رقم 5254 إدارى المركز لسنة 2014 وأخطرت النيابة العامة، وتولت التحقيق وقررت حبس المتهم أربعة أيام على ذمة التحقيق.