تمشى فى شوارع مصر تلقى الناس فئات فيه اللى عايش فى العلالى فيه اللى جوا الفقر مات وناس ميلادها بينكتب وناس نسيتها الذكريات وناس بتبنى فى حلمها وناس بتندم عاللى فات وناس طباعها تفترى وناس ضميرها الحى مات وناس بتلحس فى الرصيف والهم ليهم فيه حكايات وناس قلوبها بتنجرح وناس للحن الحب تعزف بالآلات وناس كلامها يبان كتير لكن عيونها بحور سكات وناس عيشتها تبان ترف وهيا عايشه بالفتات وناس بتيجى وتفنى ناس والاصل فى الدنيا الممات