"مغامرات البمباوى" بدأت بزجل فى حكومة نظيف وآخرها تهديد ل"نتنياهو"

سجله حافل بالمغامرات، وصفحته على موقع "الفيس بوك" مليئة بالأنشطة والزيارات، كان آخرها زيارة تفقدية لمشروع القناة الجديدة لتحفيز العمال، ومقترح ببناء "سد عالى" ثانٍ على البحر تناقل تفاصيلهم باهتمام كبير المواقع الإخبارية وأصحاب "الأكونتات" على مواقع التواصل الاجتماعية.. هو ليس أحد الوزراء، ولم يسبق له الانضمام لعضوية أحد الأحزاب أو الجلوس تحت قبة البرلمان رغم محاولاته الثلاثة غير الموفقة.. هو فقط "الحاج سمير البمبماوى" ابن قرية "البتانون" بالمنوفية، الذى سخر من حكومة "أحمد نظيف"، وتحدى "مرسى" فى سباق الرئاسة، وهدد رئيس الوزراء الإسرائيلى "نتنياهو" بمحو إسرائيل من الخريطة.
"بدأت مشوارى السياسى فى 2008 بقصيدة سخرت فيها من حكومة "نظيف" عشان مشكلة رغيف العيش هزت الدنيا واتكلمت عنها الجرايد والقنوات الفضائية".. هكذا بدأ الحاج سمير البمبماوى سرد أول فصول حكايته، مستكملا: "قلت فى القصيدة دى لنظيف بتاع الحكومة الذكية اخترعلنا بالمرة بذور قمح إلكترونية تنزرع على أرض القمر الصناعى وتروى بمياه النيل سات، وبالمرة عدل الإنسان خلية يشحن بطاريته بدل ما توقفه فى الطوابير، واعتقلت بعدها 3 شهور بس برضو مسكتش ورشحت نفسى للبرلمان لكن بتوع الحزب الوطنى وقفوا قصادى".
لم تتوقف مغامرات البمبماوى بعد الثورة: "بعد ما كسرنا حاجز الخوف وسقط نظام مبارك كنت أول فلاح مصرى يترشح للرئاسة ووقف قصاد مرسى قبل ما أتنازل لصالح الفريق شفيق، وحاولت تانى أنضم للبرلمان وكان الإخوان واقفين لى بالمرصاد لكن عندى أمل أترشح فى عهد الرئيس السيسى وأدخل البرلمان عشان أتكلم بلسان الناس الغلابة المظلومة."
يعلق على زيارته لموقع قناة السويس الجديدة كأحد مسئولى الدولة: "رحت أتفقد المشروع وأحفز العمال وأعرف الدنيا كلها أن مصر ممكن تعمل معجزات"، أما عن مشكلة قطع الكهرباء فكان الحل لديه جاهز: "عيب على علماء مصر ومسئوليها أن مصر اللى نورت الدنيا تبقى مضلمة، وقلتلهم الحل فى إننا نعمل سد عالى ثانى على البحر يولد كهرباء ويحلى مايه البحر"، كما يوجه رسالة لرئيس الوزراء "محلب": "اضرب بيد من حديد على الإرهابيين وأى وزير ميصدقش فى وعوده للشعب لازم تشيله وتجيب غيره الوقت ده مش عاوز طبطبة"، ويستعد لمعركته الانتخابية الثالثة فى البرلمان بإنشاء قناة فضائية وتقديم فقرات ثقافية وفكرية عبر صفحته على "الفيس بوك" للتواصل معهم من خلال بيانات مسجلة و"هانج أوت" للتعرف على اقتراحاتهم.
يتحدث عن تبعات تهديده لرئيس الوزراء الإسرائيلى: "أكيد رسالتى وصلته لأن الدنيا كلها اتكلمت عنها وبقى يوصلى رسائل على الفيس بوك تطلب رأسى لكن أنا مش بخاف ولسه عند كلمتى لنتنياهو وبحذره رجاله البتانون جاهزين بإشارة منى ومن الرئيس السيسى".
أما من يسخرون منه فلا يلتفت إليهم كثيرا: "أى سياسى بيكون ليه معارضين ومؤيدين واللى بيسخروا منى دول ميعرفوش يعملوا زيى أو يقولوا الكلام اللى أنا بقوله".
البمباوى فى زيارة تفقدية لمشروع القناة الجديدة
الحاج البمباوى
صاحب التهديد القوى لنتنياهو بمحو إسرائيل
الحاج سمير البمباوى
البمبماوى خلال مشاركته فى إحدى الفعاليات الثورية
صورة للحاج سمير البمبماوى
أخبار متعلقة:
"بالفاس والمقطف".. حملة تحشد فلاحى المنوفية لحفر قناة السويس الجديدة