ما بحبش أكون إلا أنا

ما بحبش الرسميات
ولا عمرى لبست بدل
ولا أعرف الكرفتات
ومبروحش مؤتمرات
ولا بحضر ندوات
ولا بطلع على الفضائيات
ومش غاوى منظرة
أنا زى ما أنا
وما حبش أكون إلا أنا
فى كل المناسبات
وما بحبش الرسميات
ولا باخترع حكايات
وبلعب مع العيال فى الشارع
وبحبهم كلهم وبينادونى باسمى
وأناديهم باسمهم
ولم يتعاركوا
أصلحهم على بعضهم
هما دول بكرة اللى جاى
هما دول اللى فى عينهم الضي
أنا زى ما أنا
كل واحد مفكر نفسه شيخ قبيلة
يحط بينى وبينه سد
وبعرفه أن مهما كبر
إنه حاجة قليلة
ومش طالبة منظرة
ولا ناقصة فشخرة
وكل واحد فينا
لازم يعرف إنه قاطع تذكرة
رايح جاى