الرئيس المخلوع

قولوا لمعالى الرئيس إللى صبح مخلوع
سبناك تاخد فرصتك حاكم سنة وأسبوع
حكمتنا حضرتك من مكتب الإرشاد
زودت فقر الفقير لما وصل للجوع
. . . ...
كرّهت فيك الشباب وجنيت على الثورة
خليت جموع البلد عايزاك تغور برة
خدعك (بديع والكتاتنى وسعد والعريان)
و(الشاطر) اللى هرانا كذب ومناورة
. . . ...
مع السفيرة قعد يكتب عقود سيناء
وبأذن من حضرتك باع واشترى فينا
وجاب مليشيات لضرب الشعب من برة
وفوق كمان دا ودا اسودت ليالينا
. . . ...
شويه فيك تانى ترجع تدخل الزنازين
مع (الكتاتنى وصفوت) وإللى ما أعرف مين
و(أبو إسماعيل) ينجلد فى اليوم سبع مرات
علشان بدقنه خدع الجهلة والمساكين
. . . ...
ندر عليا لو ألمح حد من الإخوان
لا أقوله حكم الوطن محتاج رجال فرسان
ممنوع عليهم كمان يتمحكوا فى الدين
ممنوع كمان يعرفوا (البلتاجى والعريان)
. . . ...