رباعيات

بحبك يا بلدى والله وقلبى بيبكى عشانك
الكل عاوزك فوضى وما ترجعيش لمكانك
إيه إللى بيحصل ده وراح فين أمانك
بدعى لربنا ينتقم من كل إنسان خانك
ما تزعليش يا مصر فى الأخر أنتِ منصورة
وكل إللى طمع فيكى رح نفضحه بالصورة
وبطمنك كل أعدائك صبحت الآن محصورة
وبكرة يعرفوا الحقيقة ويتلعب بيهم الكُرة.
عاوزين بقى نفوق ونروح نشوف شغلنا
ونطلع مصر فوق ونحافظ على بعضنا
مصر مش لحد مصر لينا كلنا
والوطن للجميع أما الدين لربنا
لينا تلاتين سنة الخوف مسكتنا
وجت ثورة يناير وعرفنا سكتنا
والعالم كله شهد برقى ثورتنا
ولازم نحافظ كلنا على مصر دولتنا
لكل مسلم ومسيحى إللى ليا سامع
المسلم يحرس كنيسة ومسيحى يحرس جامع
ومدام بنحب بعضنا هيبقى إيه المانع
وأوعاك تدى ودناك لأى إنسان طامع