بالفيديو.. مواطنون: إللي خلع مبارك ومرسي قادر يخلع الزوجة من زوجها

مع كل المخاوف التي أبداها الرجال من تفشي ظاهرة الخُلع، ووصف بعضهم للقانون بأنه انتقاص من رجولتهم، رصدت عدسة «فيتو» آراء المواطنين في الشارع حول هذه الظاهرة، والأسباب التي تدفع الزوجة لرفع قضية الخلع.
وفي لافتة ساخرة ربط بعض المواطنين قانون خلع الزوجة لزوجها وخلع الرئيسين السابقين مبارك ومرسي، قائلين: "اللي خلع مبارك ومرسي قادر يخلع الزوجة من زوجها".
وقالت "لأمانى يوسف" ردا على رأيها في الزوجة اللى بتخلع زوجها قالت: طبعا مش أخلاق والرجل اللى يستنى لما الست تخلعه يبقى بارد ومعندوش كرامة، بينما قالت صباح أحمد: "الرجل اللى يوصل الموضوع بينهم للخلع يبقى رجل مش محترم".
في حين قالت فاطمة أحمد: "من المفترض أن تقوم الست بخلع جوزها طالما كده كده هي بتشتغل وبتصرف على الولاد والراجل مالوش لازمة وطالما الحياة بينهم مستحيلة يبقى يطلقوا وخلاص".
وحول موقف الرجال من الخلع قال محسن كامل: "على حسب الموقف بينهم هو اللى بيحدد، يعنى ممكن تبقى الست من حقها تخلع جوزها وفى ستات بتستسهل الحياة وتروح تخلع على طول".
بينما قال حسنى محمود، موظف: "الراجل الذي ينتظر لأن تخلعه زوجته إنسان غير سوى فكيف يسمح لنفسه أن تصل العلاقة بينة وبين زوجته لهذه المرحلة، كان عليه أن يطلقها فورا"، فيما علق على عبدالرحمن قائلا: "الراجل إللى يستنى مراته تخلعه يبقى خرونج".