مبارك: عنان «ميقدرش على البلد».. ومصر تحتاج «عسكري قوي وعنده كاريزما»

اعتبر الرئيس الأسبق حسني مبارك، أن مصر تحتاج إلى رئيس ينتمي إلى المؤسسة العسكرية خلال الفترة القادمة، ولكنه رفض تولى أحد مرشحي الانتخابات الرئاسية السابقة.
وقال «مبارك»، في تسجيلات صوتية انفردت بنشرها الزميلة «اليوم السابع» موجهاً حديثه لطبيه الخاص: «احنا نظام جمهوري، والبلد عايزة حد من القوات المسلحة وليه علاقة بيها».
ويتابع الطبيب قائلا لمبارك: «كل الناس بتقول الكلام اللي حضرتك قولته.. إن مصر عايزة حد ميري يمسكها. احنا جربنا ده وجربنا ده وعايزين نرجع للعسكري لا مدني ولا بتاع، ويرد مبارك «لازم حد من الجيش يبقي قوي وعنده كاريزما».. يقاطعه الطبيب «الناس بتتكلم عن حد من اللي خرجوا بقي» في إشارة إلى أعضاء المجلس العسكري الذين أقالهم مرسي عقب أحداث رفح الأولى.
يجيب مبارك «آه ناس من اللي خرجوا وفيهم ناس كويسة جدا»، يقاطعه الطبيب «بدأ اسم سامي عنان يتردد فيه ناس بتقول كويس وناس بتقول لا»، يرد مبارك «لا ده ميقدرش على البلد»، فيرد الطبيب «مش هينفع ناس من المحروقين اللي اتقدموا قبل كده».. فيجيب مبارك «آه»..