كنباوى وكنباوية حلقة رقم (121).. ليلة القبض على "بديعة" !

كنباوية تزغرد وزغرودتها تهز وترج المكان، فيهرع كنباوي من سريره نحو الصالة حيث تجلس كنباوية أمام شاشة التليفزيون
كنباوي: خير ياكنباوية فرحينا معاكي إيه اللي حصل قبضوا على البلتاجي؟
كنباوية: لا بلتاجي إيه دول قبضوا على بديعة
كنباوي: بديعة مين ياولية هو في الإخوان في واحدة اسمها بديعة ؟ فيهم واحد اسمه الشيخة لكن بديعة ماسمعتش عنه قبل كده
كنباوية: بديعة المرشد ياكنباوي ماهو الراجل اللي يلبس نقاب علشان يتداري فيه مايبقاش راجل يبقي حرمة ست يعني ياكنباوي وتلاقيه كمان كان لابس ستيان ماهو ماينفعش نقاب من غير ستيان وبديع لبس كده يبقي مش عيب إني أقول عليه بديعة
كنباوي: عندك حق الراجل اللي يلبس لبس حريم يبقي مرة لامؤاخذه الله يكسفه دول مش رجالة دول نسوان يروحوا يحلقوا دقونهم وشنباتهم ويلبسوا طرح أحسن لهم ويحطوا منيكير وأحمر خدود وروج في شفايفهم.
كنباوية: خلاص ياكنباوي من النهاردة ياسبعي النقاب بقي للإخوان وللنسوان الزي الرسمي وألف زغرودة للولايا اللي عاملين رجالة
كنباوي: اهه جايبين صورته لحظة القبض عليه عامل زي الفار المذعور اخص راجل كبير وشايب وعايب يهين نفسه ليه ؟ ويعمل كده ليه في آخر أيامه؟ اللي زيه بيتكن في بيته وسط عياله وأحفاده ياكل ويشرب ويعبد ربه ويصلي ويتفرج على التليفزيون ويحكي حواديت لأحفاده وينام بدري بعد مايشرب اللبن علشان صحته لكن المرمطة دي مش للي في سنه المرمطة دي للشباب اللي يقدر يستحمل السجن وبهدلته الراجل باين عليه كبر وخرف يلا يستاهل اللي جري له وكله سلف ودين.
كنباوية: هانت فاضل البلتاجي والعريان ومحمود عزت وحسن مالك وعاصم عبد الماجد ومحمود غزلان ويبقي الأمر أحسن من كده
كنباوي: اطمني وريحي بالك واهدي حيقعوا واحد ورا واحد وكلهم حيشرفوا في سجن طره
كنباوية: لأ طره إيه ؟ طره للرجالة لكن اللي يلبسوا النقاب يبقوا نسوان دول يودوهم سجن النسا في القناطر
كنباوي: والله عندك حق دي حاجة مقززة وحاجة تقرف امال فنجرة البق اللي كانوا فيها دي إيه وهمه في منصة رابعة ومنصة النهضة ؟
كنباوية: دول كدابين وبتوع أفلام ومهرجانات سيبك منهم دول ولاد ستين في سبعين
كنباوي: دول أبالسة وشياطين ربنا يخلصنا منهم على خير
كنباوية: أنا مش قادرة أبعد عن عيني مذبحة كرداسة ولا مذبحة أسوان ولا حرق الكنايس ولا منظر الجنود ال25 اللي قتلوهم وهمه من غير سلاح ياكبد أهاليهم عليهم
كنباوي: ماهو النهاردة المنايفة ولعوا في بيوتهم ومحالهم في المنوفية، المنوفية أول محافظة تبات بلا إخوان يارب باقي المحافظات كمان علشان نرتاح وننضف من وساختهم
كنباوية: ماهمه أكيد خرجوا من المنوفية وراحوا محافظة غيرها إيه ذنب المحافظة اللي راحوها ؟
كنباوي: بكرة كل المحافظات تطير وراهم لحد ما يتشردوا ومايلاقوش محافظة ترضي تلمهم ويسيبوا البلد ويرحلوا عن أرضها وسماها
كنباوية: يسمع منك ربنا ياكنباوي ده أنا نفسي الجيش والشرطة يرموهم بالقنابل الحارقة المهلكة لأن دول غلبوا وفجروا أكتر من الزنادقة
كنباوي: مصر كلها ماعادتش طيقاهم ولا طايقة تسمع سيرتهم
كنباوية: دول خلاص لازم يتمحوا من الوجود دول مش مسلمين لا يمكن يكونوا مسلمين دول الإسلام برىء منهم ومن أمثالهم وأشكالهم مش ممكن يكونوا مؤمنين بالله أبدا لأن اللي بيؤمن بالله وبرسوله مايرتكبش الأعمال الإجرامية دي أبدا مايسفكش الدماء بالشكل البشع الوحشي ده
كنباوي: ملعونين في كل كتاب، ملعونين
كنباوية: حننضف وحياتك حننضف منهم وبكرة تقول كنباوية قالت
كنباوي: بس يارب يحصل كده بسرعة قبل ماتروح أرواح ناس تانيه بريئة من اللي بيستبيحوا هدر دمها كل يوم
كنباوية: أنا سمعت إنهم عملوا منصة في مدخل المنصورية وكرداسة من نهاية شارع فيصل
كنباوي: أنا كمان وصلتني المعلومة دي بس الجيش والشرطة مش نايمين على ودانهم حيبيدوهم بعون الله دول مش حرام فيهم إنهم ينضربوا بالقنابل والصواريخ
كنباوية: لأ مش حرام ده اليهود أنضف منهم وأشرف منهم
كنباوي: انتي بتقولي إيه ؟ إيش جاب لجاب حرام عليكي اليهود بالنسبة للإخوان المفسدين ملايكة
كنباوية: عندك حق دول مايتشبهوش بالبني آدمين أبدا دول يتشبهوا بالحيوانات وحرام كمان نشبههم بالحيوانات دول يتشبهوا بالعقارب والتعابين والديابة ومرض الطاعون أو مرض الكوليرا أو مرض السرطان لأنهم فعلا سرطان ولازم نستأصله من بلدنا علشان مايضرناش أكتر من كده
كنباوي: حنستأصله بعون الله وبرضاه
كنباوية: يارب ياكنباوي يارب
كنباوي: بس قولي آمين
كنباوية: آمين يارب العالمين !