يوسف زيدان ردا على اتهامه بالتطبيع: إسرائيل اتجننت (فيديو)

يوسف زيدان، رد الكاتب يوسف زيدان، علي الاتهامات التي وجهت له بالتطبيع مع الكيان الصهيوني، قائلا:"اتحاد الكتاب لم يتهمني بالتطبيع ، ولكن واحد ظريف دمه خفيف نشر أخبار مغلوطة عني فقلت لهم خلاص أنا مستقيل".

حقيقة اتهام يوسف زيدان بالتطبيع
وأضاف خلال الجزء الثاني من لقائه ببرنامج "ع المسرح" المذاع علي قناة "الحياة":"رئيس اتحاد الكتاب كلمني وقال لي لأ يا دكتور مفيش لا تحقيق ولا حاجة معاك ولا وجهنا ليك أي اتهام بالتطبيع".
أمل يوسف زيدان بشأن الأزمة الفلسطينية
وتابع:"انا كان عندي أمل لحد السنة اللي فاتت إن ممكن الدنيا تهدأ بين الفلسطينيين والعرب عموما وبين الإسرائيليين، ولكن بعد اللي حصل الشهور الأخيرة إسرائيل اتجننت وهما لو كانوا صبروا شوية كانت الأمور كلها هتتحلحل خالص وكان هيبقى فيه إمكانية للحل".


تحكم إسرائيل في جائزة نوبل
وأوضح:"إسرائيل مش متحكمة في نوبل علشان اغازلها من أجل الحصول علي الجائزة، وإلا كانت أدت الجائزة لإسرائيليين، ومعنديش أي علاقات مباشرة ولا شخصية بالإسرائيليين".

يوسف زيدان يكشف سبب حمله لسلاح ناري وحكاية مغازلته الراقصة الروسية أنستازيا (فيديو)
سيناتورة أمريكية: الفلسطينيون يتضورون جوعا ويجب وقف تزويد إسرائيل بالأسلحة
آراء يوسف زيدان بشأن قضية العرب
ولفت:"آرائي بتفوق الناس لأني أنا لما اشوف الأجيال الفلسطينية الناس اللي انا بحبها وأصدقائي والقريبين مني بيموتوا جيل ورا جيل علشان فكرة الحق التاريخي لأ كده مينفعش ولابد من حل".


في الجزء الأول من نفس اللقاء، قال الكاتب يوسف زيدان:"انا مش بخاف من أي حاجة وماشي بمسدس من سنة 2000، لإن طبيعي الصعايدة كده، لما الواحد يوصل عمره 40 عاما يحمل سلاح، وأبويا كان كده واعمامي كانوا كده".

سر سلاح يوسف زيدان
وأضاف:"انا مش بشيل مسدس خوفا من المتشددين والمتطرفين، ولو بخاف منهم مش هتحداهم، ولكن انا معنديش استعداد أموت وانا بهرب، والمتشددين مش مخيفين بالنسبة لي".
فكر الجماعات الدينية المتطرفة
وتابع:"الجماعات الدينية المتطرفة قريت تاريخهم كويس، وعارف بيفكروا ازاي، وهم دايما بيراهنوا علي خوف الشخص ورعبه فيستجيب لهم، داعش ايه معنى انها تجيب ناس وتقطع فيهم وتصورهم وتورينا علشان نترعب فنستسلم ليهم".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.