زينة باكية: عايزة لما أمشي أسيب ذكرى حلوة (فيديو)

قالت الفنانة زينة: "المناسبات بتقلب علينا المواجع، وجدتي كانت بتقول على طول كده ووالدي أيضًا كان بيقول الجملة دي وما كنتش مصدقاها".

أكلات والد زينة وذكرياتها معه
وتابعت الفنانة زينة خلال لقائها ببرنامج "مساء دي إم سي" الذي تقدمه الإعلامية إيمان الحصري: "شهر رمضان من غير أبويا الله يرحمه صعب أوي، وهو كان بيعمل أكل حلو أوي، وكان بيعمل صينية بطاطس في الفرن والأرز وعصائر، وكان بيعمل العرقسوس في البيت، وكان بيعرف يطبخ كويس أوي مع إنه كان مهندس طيران إلا أنه من كتر ما كان بيحبنا اتعلم إزاي يعملنا أكل، ومش قادرة أقعد على السفرة من غير أبويا، ولا أملك إلا الدعاء له".
ذكريات زينة مع والدها
وأضافت زينة: "لما بخش على العيد بعد رمضان، بفتكر ذكرياتي مع أبويا والعيدية، وبحاول أعدي وأبسط الناس اللي حواليَّ رغم وجعي، أنا ورثت منه حاجات كتير، بس كنت الأول عندي أنانية فظيعة وطول الوقت عايزة وعمري ما فكرت اللي حواليَّ عايزين إيه ولا فكرت في إخواتي ولا أصحابي بعد وفاة أبويا بقيت زيه بالظبط أحب أبسط اللي حواليَّ ومركزة في الاهتمام باللي حواليَّ".
زينة: كانوا بيقولوا عليا معضمة، دلوقت وشي بقى موضة وأحسن من صواريخ برة (فيديو)
زينة تكشف حقيقة تغيير نهاية جعفر العمدة ومشكلتها خلال تصوير المسلسل (فيديو)
بكاء زينة بسبب ذكرى وفاة والدها
وبكت الفنانة زينة تأثرًا بتذكر رحيل والدها: "أبويا كان إنسان مفيش زيه وعمري ما هوصل لشيء صغير من الخير اللي كان بيعمله، أنا بعمل كل حاجة بحب علشان أبسط اللي حواليا، ومش بحب حد زعلان، عايزة لما أمشي أسيب ذكرى حلوة في حياتي للناس القريبين وما يهمنيش الناس الأشرار خالص".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.