ياسمين غيث قبل إجرائها عملية إزالة ورم: مسامحة أي حد مزعلني

ياسمين غيث ، تستعد الفنانة ياسمين غيث لإجراء عملية جراحية دقيقة وهي إزالة ورم، حيث أنها أكدت ذلك من خلال حسابها الشخصي عبر موقع تبادل الصور والفيديوهات "إنستجرام":" الصبح بإذن الله هعمل العملية بايته في المستشفى من النهاردة مش عارفة هعرف أرد عليكم وأرجع لكم تاني امتى، عارفة إنكم في ضهري من غير ما أطلب، بس لو في يوم كنت مصدر أمل أو أي نوع من أنواع السعادة ليكم، محتجاكم النهاردة أوي تكونوا كدة ليا.
و أضافت ياسمين غيث:" سامحوني لو زعلت أي حد فيكم في يوم من الأيام عمري ما كنت أقصد أزعل حد وأنا مسامحة أي حد زعلني أو أذاني بقصد أو بغير قصد بحبكم أوي وبتمنالكم زي ما بتتمنولي استودعت نفسي وابني وجوزي وأخويا وأمي وأبويا وأهلي كلهم وأصحابي، لله الذي لا تضيع عنده الودائع.
و أكملت ياسمين غيث قائلة:" ستودعتكم كلكم الله يا ضهري وسندي وعيلتي الكبيرة أوي التانية الذي لا تضيع عنده الودائع.. استودعت الله بيتي وكل حاجة في حياتي الذي لا تضيع عنده الودائع استودعتكم الله الذي لا تضيع عنده الودائع لا إله إلا الله محمد رسول الله.
وكانت تحدثت الفنانة الشابة ياسمين غيث في وقت سابق، إن العملية الجراحية التي من المفترض أن تجريها لإزالة ورم حميد.
الفنانة ياسمين غيث، فيتو
وقالت الفنانة ياسمين غيث في تصريح سابق ل"فيتو":" الورم حميد وموعد إجراء العملية الأسبوع المقبل وهي "open chese" وهذه العملية ليس لها علاقة بإصابتي في عام 2019.

سرطان ياسمين غيث
في عام 2016 أعلنت الفنانة ياسمين غيث إصابتها بمرض السرطان، وأكدت أنها ستستمر في العلاج منه لمدة 7 سنوات.
وفي عام 2021 تحدثت الفنانة ياسمين غيث عن معاناتها مع مرض السرطان وذلك من خلال حسابها الشخصي عبر موقع تبادل الصور والفيديوهات "إنستجرام".

وقالت الفنانة ياسمين غيث وقتها: "الحمدلله 5 سنين سرطان حياة على كف عفريت زي ما بيقولوا لمدة 5 سنين، اللي اتقال لي إن أول 5 سنين همه أكتر 5 سنين critical ولازم نتابع علشان الcancer ما يرجعش لسه مش مصدقة، مش عارفة حصل إزاي صعب وعدوا بصعوبة...قوي...ولسه لغاية دلوقتي بفتكر، بنهار، بحلم بكوابيس إنه رجع تاني وبصحي أصرخ وأعيط وأقول مش عايزه يحصل لي كدة تاني والنبي يا رب".

وأضافت الفنانة ياسمين غيث قائلة:" بخاف، بعمل check up كل 6 شهور، and it never gets easier...كل مرة نفس الإحساس ونفس الخوف، عدم إحساس بالأمان اللي كنت حاسة بيه زمان وواخداه for granted، كل مرة الدكتور بتاعي يقول لي ماتخافيش، لو عدا أول خمس سنين من غير ما ييجي تاني يبقي بإذن الله مش هييجي تاني، وجه اليوم ده، بعد خمس سنين، من يوم 6/9/2016...اليوم اللي عرفت فيه إني عندي سرطان واليوم اللي عملت فيه العملية".

وتابعت ياسمين:" عديت بحزن، ألم، وقت صعب، جنان وتشتت، عدم سيطرة على مشاعري وتصرفاتي، فقدان أمل، كره، حب، فرحة، تغيير، خناق، زعل، ناس بعدت...قوي، وناس تانية قربت، وناس قربت وبعدين بعدوا، عصبية، غضب، عدم تقبل لنفسي، أرق وعدم راحة، إحساس إني حد ماعرفوش اتغيرت، بقيت أوجع وعندي قلم أكتر بس أقوى وواثقة من نفسي أكتر، بقيت بساعد غيري وبدي اللي حواليا أمل".

واستطردت:" حبيت كل حاجة أكتر من الأول ومسكت في الحياة أكثر وابني روح قلبي كان أملي إني أكمل وأعيش علشان مكنتش قادرة أقبل فكرة إني ما شفوش بيكبر، ألف حمد وشكر ليك يارب عدد كل حاجة خلقتها، مهما شكرتك وحمدتك وعملتلك، عمره ما هيبقى كفاية! شكرًا إني لسه عايشة وبعافر...شكرًا على أكبر نعمة في حياتنا، اللهم ديم علينا جميعا يا رب نعمة الصحة".

واختتمت الفنانة ياسمين غيث قائلة:" أصعب 5 سنين عدوا، فاضل 2 علشان أخلص بقيت علاجي....أيوة علاجي لمدة 7 سنين".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبي.