محمد رجب يكشف سر ابتعاده عن نجله (فيديو)

قال الفنان محمد رجب:"أخويا عمرو رجب أديته فرصة معايا وأثبت نفسه وفي الآخر استمراريته من عدمها بيد الجمهور، ولما يكون بإيدينا نزق حد في المهنة مش هنتأخر خاصة لو من صلة الرحم، ده إحنا بنعمل كده مع الغريب".

دعم محمد رجب للمواهب التمثيلية
وأضاف خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"أمر طبيعي أني أدعم ابني يوسف وأكون عندي رغبة في وجوده معايا في أي عمل، طالما عنده موهبة لازم أساعده يقف على رجليه".

أبناء الفنانين
وتابع محمد رجب:"استمرار نجاح أبناء الفنانين في مهنة التمثيل بيد الجمهور، أنا مكنش عندي اللي يساعدني بس لما يتاح أني أساعد حد مني مش هتأخر وبساعد الغريب طالما موهوب".

ابتعاد محمد رجب عن ابنه
وعن سبب ابتعاده عن ابنه يوسف، علق:"يوسف ابني عايش في مدينة جدة بالسعودية، وفارق معايا أنه مش جنبي بس اتعودت وهو اتعود، وبروحله كل 3 شهور وهو بيجيلي، واتعودت أنه ميكونش جنبي، بحاول أربيه كويس وعملت كل اللى أقدر عليه مع أبويا الله يرحمه فلو اللى عملته صادق هلقيه في ابني لو هو في آخر الدنيا".

محمد رجب: الجوازة بتاعتي باظت بسبب برج الجوزاء (فيديو)
محمد رجب مفاجأة ثالث حلقات مسلسل الكتيبة 101

في نفس اللقاء، قال الفنان محمد رجب:"أنا لا أكره الستات ومش برفض آخد منهم أي أوردر زي ما بيتقال عني، أنا بحب الستات بداية من احترامي لأمي ومين الغبي اللي يكرههم".

مشكلة محمد رجب من الستات
وتابع:"أول تعيين ليا عرفت أني مديري واحدة ست فرفضت التعيين لأني حسيت أن مستقبلا ممكن يحصل حاجة مهينة ليا وممكن تزعقلي فأخدتها من قاصرها، وأنا شخصيتي وقتها مكنتش تقبل أني آخد أوامر من واحدة ست".

فشل زيجة محمد رجب بسبب برج الجوزاء
ولفت محمد رجب:"مكنش ليا في موضوع الأبراج خالص، ولكن من بعد ما خضت تجربة مع حد معين عرف أني برج الجوزاء اتخض أوي وقاللي لما نقعد متجيبش سيرة البرج ده فحسيت أنه جرم ومن اللحظة دي حبيت البرج بتاعي جدا بشكل مخيف، وفي مرة كنت رايح أقدم لواحدة بحبها قالتلي اوعى تقول لماما أنك جوزاء وحسيت أني مش محمد رجب وكدبت وقلت لها أنا برج الحمل وفي الاآخر الجوازة باظت".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.