محمد رجب : «كنت مريضا نفسيا بالنظام واتعالجت.. ومش بكره الستات»

علق النجم محمد رجب، على حقيقة ذهابه لطبيب نفسي لمعاناته من مرض نفسي، قائلا: «كلنا تعبانين نفسيا والحياة فيها حاجات كتير يخليك في تناقض وغيره، وفكرة أنك كويس علطول مش هتوصل لحاجة وعندي مشاكل كتير وكنت منظم لأبعد حدود».
وأضاف الفنان محمد رجب، خلال حواره ببرنامج «حبر سري»، مع الاعلامية اسما ابراهيم، على قناة القاهرة والناس، أنه عكس عاداته المنظمة وأصبح مهمل لأبعد الحدود حتى يوازن بين الطبعين، متابعا: «عكست النظام بالإهمال ووصلت لمرحلة المرض وأنا اللي عالجت نفسي وعملت العكس لحد ما تقبلت الوسط».
وأشار الفنان محمد رجب، إلى أنه لا يكره الستات كما يشاع عنه، وعلق قائلا: «مش بكره الستات ولا أرفض أخد منهم اوامر وبحب الستات بداية من احترامي لأمي ومين غبي يكره الستات وكل الحكاية أن أول تعيين ليا كنت عرفت أن مديرتي ست فرفضت التعيين وحسيت أن مستقبليا ممكن يحصل حاجة تعمل مشاحنات ومشاكل وشخصيتي وقتها يمكن مكنش عندي استعداد وقتها، وكانت اول تجربة في الحياة العملية وكنت مش مستعد اخد اوردر من ست والعقدة دي اتحلت».
وكان الفنان محمد رجب، أكد أنه عمل كومبارس لفترة طويلة خلال مشواره الفني، حتى رأته المخرجة الكبيرة ايناس الدغيدي، قائلا: «في فترة كبيرة اشتغلت فيها كومبارس واتبهدلت لغاية ما إيناس الدغيدي شافتي بعد رحلة يأس كبيرة وكانت شافت صورة ليا».
وأضاف «رجب»، خلال حواره ببرنامج «حبر سري»، مع الإعلامية اسما ابراهيم، على قناة القاهرة والناس، أن المخرجة ايناس الدغيدي أعجبت بصورتي وطبقة صوتي، متابعا: «قالت لي عايزاك معايا في فيلم وكنت أول اكتشاف مع هند صبري وأحمد عز في فيلم مذكرات مراهقة».
وتابع: «لم أهتم قوي بالدور ولكن كنت عايز أخذ خطوة بعد رحلة عذاب ومهانة ولكن مع تكرار دور الشرير كان في نظرة للناس ليا أني شرير وكنت مش بحب كده، ومقوماتي النفسية مش قادر اتقبل الكراهية المطلقة، وتوقفت ومكنتش عايز اكمل كده ونجحت في كل أدواري وظهوري لدور الشرير كان ناتج عن اعتذارات ناس».