كشفت الفنانة نادية الجندي، حقيقة طلب الزعيم عادل إمام الحصولَ على ضعف أجره للموافقة على كتابة اسمها قبل اسمه في فيلم "خمسة باب". حقيقة خلاف نادية الجندي وعادل إمام وقالت نادية الجندي خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "ما تردد عن حصول عادل إمام على ضعف أجره في الفيلم لوضع اسمي قبله غير صحيح على الإطلاق".
كواليس العمل مع عادل إمام وأضافت: "اشتغلت مع عادل إمام بحب، ومفرقش معانا مين اسمه يتكتب الأول، ومحصلش أننا قطعنا بعض علشان الأفيش". وأضافت: "عادل إمام ساعات مكنش يبقى عنده تصوير ويجي يقعد معانا في البلاتوه وأقوله انت معندكش تصوير فيقولي معلش أصل انتوا وحشتوني وأنا جاي أقعد معاكم أتسلى، من كتر ما كان فيه حب بيني وبين عادل إمام والفنان الراحل فؤاد المهندس".
ولفتت: "فيلم خمسة باب اتصور في شهر ونصف، وكان أسرع فيلم اتصوير، وكل اللى اشتغلوا في العمل كانوا بيحبوا بعض، وكنا بنصور وكأننا في رحلة، وكلنا فرحانين وإحنا بنصور وعلشان كده أثار حقد ناس كتير أوي خاصة أنه كان أول لقاء بيني وبين عادل إمام".
فريال يوسف: نادية الجندي لم تعطني نصف أجري في "أسرار" | فيديو نادية الجندي: نبيلة عبيد عشرة عمر.. ومفيش خلافات بيننا عرض فيلم خمسة باب ولفتت: "في عرض فيلم خمسة باب أول لما نزل ميدان الأوبرا الأمن المركزي نزل ينظم المرور من كتر الناس اللى كانت بتقدم على مشاهدة الفيلم، وقتها المرور اتقطع في ميدان الأوبرا".
