نادية الجندي تكشف سر فشل ظهور مسلسلها عن تحية كاريوكا | فيديو

قالت الفنانة نادية الجندي: "الفنانة الراحلة تحية كاريوكا طلبت مني أعمل قصة حياتها في مسلسل، ولكن بسبب الورثة الموضوع فشل".

دور ناهد رشاد
وأضافت: "تحية كاريوكا كانت اشتغلت معايا في فيلم "الضائعة"، ولما عملت دور ناهد رشاد في فيلم "امرأة هزت عرش مصر" شافتني في العمل، وعجبتها فقالتلي عايزاكي تعمل شخصيتي فقلت لها ياريت".

ورثة تحية كاريوكا
وتابعت: "قعدت مع تحية كاريوكا بالفعل، وسجلت لها حاجات بصوتها، وطلعت الكتب القديمة عن حقبة سياسية هي عاشتها، وفعلًا مضيت مع المنتج كامل أبو علي، إننا ننفذ مسلسل عن تحية كاريوكا، وحصلت مشاكل مع الورثة، وتدخلوا وعملوا مشاكل جامدة مع المنتج، والموضوع فشل".
قصة حياة نادية الجندي
ولفتت: "أنا صعب أوافق أن حد ييجسد قصة حياتي، ومفيش ممثلة تقدر تعمل قصة حياتي، ولكن بحب أتفرج على منى زكي ومنة شلبي وهند صبري وزينة".
نادية الجندي تكشف مفاجأة عن منع فيلم "5 باب".. وحقيقة خلافها مع نبيلة عبيد | فيديو
نادية الجندي: سبقت عادل إمام في تفجير قضية الإرهاب.. وخرجت من كل فيلم بعاهة | فيديو
وكشفت الفنانة نادية الجندي، خلال الجزء الأول من نفس اللقاء، حكاية الرواية التي حكاها الزعيم عادل إمام، بعد وقف فيلم "5 باب" من العرض في دور السينما: "فضلت ترش ملح؛ خوفًا من الحسد لحد لما الفيلم نزل واتوقف".

تعرض فيلم "5 باب" للحسد
وأوضحت نادية الجندي ضاحكة: "لأ مش طبعًا مش زي قال عادل إمام، متوقفش من الحسد، ولكن فيلم "5 باب" اتوقف بفعل فاعل".

خطة كيدية
وأضافت: "الحسد في فيلم "5 باب" حاجة تانية خالص لها علاقة بحاجة كيدية مدبرة علشان يتمنع الفيلم من دور العرض، وإزاي عادل إمام ونادية الجندي وفؤاد المهندس يجتمعوا في عمل واحد".

تدخل وزير الثقافة لوقف الفيلم
وأكدت: "الفيلم كان اتعرض 10 أيام في دور العرض والأمن المركزي نزل في ميدان الأوبرا من الخوف لأن كان هيحصل ثورة على الفيلم من الزحام والجماهير لأنه كان مكسَّر الدنيا، وبعد ما نشوف نجاح العمل لقينا وزير الثقافة وقتها راح مضلم الدنيا، وده تعبني نفسيا وقتها قلت مش هشتغل تاني خلاص ومش همثل تاني".
أزمة نفسية لنادية الجندي
وتابعت: "تعبت نفسيًّا لما الفيلم اتوقف وقلت مش همثل تاني لأن دي قضية كرامة وفيه ظلم وقع عليا بوقفه من العرض، إزاي أكون أخدت 5 تصريحات من الرقابة ومشيت في الطريق القانوني ويجي وزير الثقافة وقتها يمنعه علشان كده قررت وقتها اعتزال التمثيل".

عودة نادية الجندي بفيلم الخادمة
ولفتت: "المخرج أشرف فهمي كان جايبلي فيلم "الخادمة" قلت له مش هشتغل تاني خالص بعد وقف "5 باب" وهبطل تمثيل، فقاللى إنتى أفلام وتاريخ ومتخليش حدث زي ده يوقف مسيرتك وحفزني إنى أرجع تاني وفعلًا نزلت صورت "الخادمة" وكسَّر الدنيا وحقق نجاح محصلش على المستوى الجماهيري والنقاد".

مسلسل سكر زيادة
وأشارت: "اللى حمسني أعمل "سكر زيادة" مع نبيلة عبيد أن العمل كوميدي ومختلف، وفيه كمان النجمة العظيمة سميحة أيوب، وقلت فكرة جديدة، وكل القنوات العربية اشترته بأعلى سعر، وحقق نجاحا ماليا كبيرا للمنتج".

خلاف نبيلة عبيد
وعن خلافها القديم مع نبيلة عبيد، علقت نادية الجندي: "أنا مش بشيل في قلبي حاجة وحشة وبسامح، حتى لو كان فيه خلاف ما مع نبيلة عبيد زمان، ومعنديش مشكلة وبسامح".