قالت الفنانة نادية الجندي: "مقياس نجاح الأعمال يقاس بالجمهور وشباك تذاكر السينما وليس برأي النقاد الفنيين، وعادل إمام الوحيد الذي كان قادرًا على منافستي". شباك تذاكر نادية الجندي والزعيم وأضافت خلال الجزء الثاني من لقائها ببرنامج "كلام الناس" المذاع على قناة "إم بي سي مصر": "أفلامي وأفلام عادل إمام كانت تتحقق أعلى إيرادات وشباك التذاكر والأرقام اللي كانت بتقول كده، ومكنش فيه حد بيقدر ينافسنا". تغيير سيناريو أفلام نادية الجندي وتابعت: "أنا اللى كنت بضيف لأدوار غيري في السيناريو لما ألاقي دور حلو لممثل، وممكن الدور مساحته تكبر كنت بتدخل". وكشفت الفنانة نادية الجندي، في الجزء الأول من نفس اللقاء حكاية الرواية التي حكاها الزعيم عادل إمام بعد وقف فيلم 5 باب من العرض في دور السينما: "فضلت ترش ملح خوفًا من الحسد لحد لما الفيلم نزل واتوقف".
تعرض فيلم "5 باب" للحسد وأوضحت نادية الجندي ضاحكة: "لأ مش طبعًا مش زي قال عادل إمام، متوقفش من الحسد، ولكن فيلم "5 باب" اتوقف بفعل فاعل".
خطة كيدية وأضافت: "الحسد في فيلم "5 باب" حاجة تانية خالص لها علاقة بحاجة كيدية مدبرة علشان يتمنع الفيلم من دور العرض، وإزاي عادل إمام ونادية الجندي وفؤاد المهندس يجتمعوا في عمل واحد".
تدخل وزير الثقافة لوقف الفيلم وأكدت: "الفيلم كان اتعرض 10 أيام في دور العرض، والأمن المركزي نزل في ميدان الأوبرا من الخوف لأن كان هيحصل ثورة على الفيلم من الزحام والجماهير لأنه كان مكسَّر الدنيا، وبعد ما نشوف نجاح العمل لقينا وزير الثقافة وقتها راح مضلم الدنيا، وده تعبني نفسيًّا وقتها قلت مش هشتغل تاني خلاص ومش همثل تاني".
أزمة نفسية لنادية الجندي وتابعت: "تعبت نفسيًّا لما الفيلم اتوقف وقلت مش همثل تاني لأن دي قضية كرامة، وفيه ظلم وقع عليا بوقفه من العرض، إزاي أكون أخدت 5 تصريحات من الرقابة ومشيت في الطريق القانوني ويجي وزير الثقافة وقتها يمنعه علشان كده قررت وقتها اعتزال التمثيل".
عودة نادية الجندي بفيلم الخادمة ولفتت: "المخرج أشرف فهمي كان جايبلي فيلم "الخادمة" قلت له مش هشتغل تاني خالص بعد وقف "5 باب" وهبطل تمثيل، فقاللى إنتى أفلام وتاريخ ومتخليش حدث زي ده يوقف مسيرتك وحفزني إنى أرجع تاني، وفعلًا نزلت صورت "الخادمة" وكسَّر الدنيا وحقق نجاحا محصلش على المستوى الجماهيري والنقاد".
مسلسل سكر زيادة وأشارت: "اللي حمسني أعمل "سكر زيادة" مع نبيلة عبيد أن العمل كوميدي ومختلف، وفيه كمان النجمة العظيمة سميحة أيوب، وقلت فكرة جديدة، وكل القنوات العربية اشترته بأعلى سعر، وحقق نجاحا ماليا كبيرا للمنتج". نادية الجندي تكشف مفاجأة عن منع فيلم "5 باب".. وحقيقة خلافها مع نبيلة عبيد | فيديو نادية الجندي: سبقت عادل إمام في تفجير قضية الإرهاب.. وخرجت من كل فيلم بعاهة | فيديو خلاف نبيلة عبيد وعن خلافها القديم مع نبيلة عبيد، علقت نادية الجندي: "أنا مش بشيل في قلبي حاجة وحشة وبسامح، حتى لو كان فيه خلاف ما مع نبيلة عبيد زمان، ومعنديش مشكلة وبسامح".
