غادة عبد الرازق تستمتع بعطلتها الصيفية في أحدث ظهور

نشرت الفنانة غادة عبد الرازق صورا جديدة لها عبر حسابها على موقع الصور إنستجرام ظهرت خلالها وهي تستمتع بعطلتها الصيفية.
قيمة يوسف شاهين
وأطلت غادة عبد الرازق خلال الصور من داخل حمام السباحة وتفاعل معها عدد من جمهورها ومتابعيها.
وكانت غادة عبد الرازق حلت في وقت سابق ضيفة على برنامج "كلام الناس" على شاشة قناة MBC مصر، وتحدثت عن كواليس مشوارها الفني.
وقالت غادة عبد الرازق: "كان نفسي أشتغل مع الأستاذ يوسف شاهين لأنه قامة واشتغل مع نجوم عباقرة، وتمنيت أعرف رأيه فيا وأسمع نصيحته، إلى جانب الأستاذ الراحل عاطف الطيب".

سمية الخشاب
وعلقت على صورة سمية الخشاب، قائلة: "بحبها جدا ودمها خفيف وأكتر واحدة كانت بتضحكني في مسلسل الحاج متولي، وكنا مسميينها مراية علشان بتحب تبص كتير في المراية".
رحيل خالد صالح
وعلقت على صورة الفنان الراحل خالد صالح، قائلة: "كنت أعتبره في منزلة خليل أخويا الله يرحمه، ومن الحاجات اللى زعلتني أنه كان في المستشفى وأنا كنت مسافرة تاني يوم الصبح أسوان وصحيت أركب الطيارة لقيت تليفون بخبر وفاته، وزعلت أنى ملحقتش أسلم عليه، كان إنسان جميل ومحترم وجدع وراجل ومتطلعش العيبة من بوقة".
وقالت الفنانة غادة عبد الرازق في نفس اللقاء: "لأول مرة منذ 14 سنة أغيب عن دراما رمضان وسايبة الملعب السنة دي لناس غيري تتواجد فيه واستراحة محارب لأن الجو العام اختلف والحسابات اختلفت وحاسة أنه مش هو ده رمضان اللي متعودة عليه السنين اللي فاتت، وبتفرج من بعيد وسايبة التمثيل شوية والدراما لغيري ودايمًا كنت بقول كلمة زمان أن التمثيل مبيخلصش".
رفض أعمال فنية
وتابعت: "محدش عرف يأخد مكاني، بيتعرض عليا أعمال وبرفض لأن هما متخيلين أنها مش لاقية شغل وده مش صح، والإنتاج لنفسي مش عيب وطبيعي".