غادة عبد الرازق: هذا ما أتبعه مع زوجي لأن الوسواس لو تمكن مني بيوديني لمكان غلط

قالت الفنانة غادة عبد الرازق: "كنت بفتش زمان في موبايل زوجي دلوقتي مبقتش أعمل الموضوع ده بطلتها".

وسواس غادة عبد الرازق
وأضافت خلال الجزء الثاني من لقائها ببرنامج "كلام الناس" المذاع على قناة "إم بي سي مصر": "لو طلبت من جوزي يديني الموبايل بيوافق علطول لكن أنا بطلت الموضوع ده، لأن الوسواس بتاعي لو تمكن منى بيوديني لمكان غلط مش حلو وأول ما أروحله لازم تحصل مشكلة".
زوج غادة عبد الرازق
وتابعت: "لو جوزي مش بيحبني قاعد معايا ليه أو أنا قاعدة معاه ليه؟ علشان كده قلت لنفسي إحنا قاعدين مع بعض بدون إجبار ومش هخلي الشيطان يوسوس لي، وجوزي هو الآخر مش بيفتش في تليفوني ولكن ممكن يأخد تليفوني يفتحه ومقدرش أقوله لأ".
وقالت الفنانة غادة عبد الرازق في نفس اللقاء: "لأول مرة منذ 14 سنة أغيب عن دراما رمضان وسايبة الملعب السنة دي لناس غيري تتواجد فيه واستراحة محارب لأن الجو العام اختلف والحسابات اختلفت وحاسة أنه مش هو ده رمضان اللي متعودة عليه السنين اللي فاتت، وبتفرج من بعيد وسايبة التمثيل شوية والدراما لغيري ودايمًا كنت بقول كلمة زمان أن التمثيل مبيخلصش".

رفض غادة عبد الرازق أعمالا فنية
وتابعت: "محدش عرف يأخد مكاني، بيتعرض عليا أعمال وبرفض لأن هما متخيلين أنها مش لاقية شغل وده مش صح، والإنتاج لنفسي مش عيب وطبيعي".

موقف غادة عبد الرازق من دراما 2022
وأضافت غادة عبد الرازق: "أنا قاعدة السنة دي علشان نفسي أتفرج عليكم، وأشوفهم هما بيعملوا إيه، ومحدش فارق معايا مين يزعل ومين ميزعلش، وللأسف لما أنا زعلت محدش وقف معايا، أنا اللى عايزاه يزعل عليا جمهوري وأنا أزعل عليه".
وشاركت غادة عبد الرازق الجمهور مجموعة صور لخطوبة ابنتها، وعلقت قائلة: "تهانينا حبيبتي روحي كل شيء في هذه الحياة.. أتمنى أن تعطيك الحياة القادمة كل ما تريدين لأنك تستحقين.. أحبك كثيرًا".
غادة عبد الرازق: اللي مرتبطة بيه دلوقتي كنت متجوزاه زمان وعرف يغيرني |فيديو
غادة عبد الرازق: أنا فيا حاجة غلط.. وعزلت من بيتي بسبب العين والحسد |فيديو
وفي سياق آخر كشفت الفنانة غادة عبد الرازق لأول مرة عن سبب عدم حضورها المهرجانات المختلفة التي تُقام في مصر.