غادة عبد الرازق: اللي مرتبطة بيه دلوقتي كنت متجوزاه زمان وعرف يغيرني |فيديو

قالت الفنانة غادة عبد الرازق: "الإنسان اللى أنا مرتبطة بيه دلوقتي عدل مني كتير جدا وبدون أي مقابل، وبحبه وكملي جوانب كتير كانت نقصاني".

طباع غادة عبد الرازق
وأضافت خلال لقائها ببرنامج "كلام الناس" المذاع على قناة "إم بي سي مصر": "جوزي غيرني وبقيت مطيعة، وخلاني بقيت قادرة أسيطر على أعصابي وإزاي أتعامل مع الناس".

زوج غادة عبد الرازق
وتابعت: "جوزي الحالي كنت متجوزاه زمان وانفصلنا وفضلنا أصحاب ورجعنا تاني وأنا عارفه طباعه وهو شخص واضح وصريح".
وقالت الفنانة غادة عبد الرازق في نفس اللقاء: "لأول مرة منذ 14 سنة أغيب عن دراما رمضان وسايبة الملعب السنة دي لناس غيري تتواجد فيه واستراحة محارب لأن الجو العام اختلف والحسابات اختلفت وحاسة أنه مش هو ده رمضان اللي متعودة عليه السنين اللي فاتت، وبتفرج من بعيد وسايبة التمثيل شوية والدراما لغيري ودايمًا كنت بقول كلمة زمان أن التمثيل مبيخلصش".

رفض أعمال فنية
وتابعت: "محدش عرف يأخد مكاني، بيتعرض عليا أعمال وبرفض لأن هما متخيلين أنها مش لاقية شغل وده مش صح، والإنتاج لنفسي مش عيب وطبيعي".

موقف غادة عبد الرازق من دراما 2022
وأضافت غادة عبد الرازق: "أنا قاعدة السنة دي علشان نفسي أتفرج عليكم، وأشوفهم هما بيعملوا إيه، ومحدش فارق معايا مين يزعل ومين ميزعلش، وللأسف لما أنا زعلت محدش وقف معايا، أنا اللى عايزاه يزعل عليا جمهوري وأنا أزعل عليه".
وشاركت غادة عبد الرازق الجمهور مجموعة صور لخطوبة ابنتها، وعلقت قائلة: "تهانينا حبيبتي روحي كل شيء في هذه الحياة.. أتمنى أن تعطيك الحياة القادمة كل ما تريدين لأنك تستحقين.. أحبك كثيرًا".
وفي سياق آخر كشفت الفنانة غادة عبد الرازق لأول مرة عن سبب عدم حضورها المهرجانات المختلفة التي تُقام في مصر.
بتفرج عليهم وهشوفهم هيعملوا إيه.. رأي صادم من غادة عبد الرازق عن دراما رمضان 2022 | فيديو
غادة عبد الرازق تتألق بالأسود في أحدث جلسة تصوير
وقالت "عبد الرازق" أثناء لقاء سابق لها في برنامج MBC Trending: إنها لا تحب التواجد في المهرجانات؛ حيث أوضحت قائلة: "الناس في منتهى الاحترام وبيعزموني.. بس هي تركيبة شخصيات، وأنا مش من الشخصيات اللي تلبسيها وتقولي لها أمشي على الريد كاربت".